ЯҢАЛЫКЛАР

3 сентябрьдә илебездә истәлекле дата - террорчылыкка каршы көрәш көне билгеләп үтелә. Дата бүгенге Россия тарихында иң фаҗигале вакыйгаларның берсе - Беслан шәһәрендәге 1 нче мәктәптә (Төньяк Осетия-Алания Республикасы) террорлык акты белән бәйле. Шуңа бәйле рәвештә «Сарман» кинотеатрында Аграр көллият студентлары өчен «Омут» дкументаль фильмы күрсәтелде.

"Гаилә кыйммәтләренә ярдәм итү буенча эш бирүчеләрнең иң яхшы корпоратив практикасы (программасы) " республика конкурсы турында

Истәлекле датаны билгеләү 2004 елның сентябрендә булган фаҗигале вакыйгаларга бәйле: Төньяк Осетия-Алания Республикасының Беслан шәһәрендәге 1нче мәктәптә булган террорчылык акты нәтиҗәсендә 334 кеше, шул исәптән 186 бала һәлак булган. Беслан вакыйгалары бөтен дөньяны тетрәндерде, беркемне дә битараф калдырмады. Бу фаҗигане оныту мөмкин түгел, балаларын коткару өчен үз гомерләрен биргән кешеләрне дә оныту мөмкин түгел.

Бу көнне без Буденновск, Буйнакск, Владикавказ, Волгоград, Волгодонск, Махачкала, Мәскәү, Первомайск, Санкт-Петербург һәм илебезнең башка шәһәрләрендә булган башка фаҗигале вакыйгаларның корбаннарын искә алабыз.

Террорчылыкка каршы көрәштә барлык гражданнар бергәлеген туплау максатыннан балалар, гади гражданнар, иҗтимагый оешмалар, волонтерлар һәм хакимият органнары вәкилләре матәм көненә багышланган массакүләм мәдәни чараларда катнашалар.

Шуны истә тотарга кирәк, террорчылыкны бөтен Россия җәмгыятенең тырышлыгын берләштереп кенә җиңеп була. Илнең барлык гражданнарының уртак тырышлыгы террорчылык һәм экстремизм үсешен туктатырга мөмкинлек бирәчәк, җинаятьчеләрне ярдәмнән мәхрүм итәчәк. Россиядә һәм чит илләрдә барлык кешеләр террорчылык куркынычына каршы үз сафларын тупларга, планетаны XXI гасыр чумасыннан коткару өчен барысын да эшләргә тиеш.

Укучыларның җәйге ял көннәре ахырына якынлашты. Яңа 2024-2025 нче уку елына аяк бастык. Бигрәк тә бу көнне 1 нче сыйныф укучылары көтте. Алар 11 нче сыйныф укучылары белән бергәләп уку елын башлап җибәрделәр. Мәктәбебезгә кунак булып — Сарман муниципаль районы Совет аппараты җитәкчесе  Исмагилова Юлия Равил кызы һәм Җәлил бистәсенең Башкарма комитеты җитәкчесе Галләмов Илшат Фикс улы килде. Беренче кыңгырау яңгырагач, укучылар сыйныф сәгатьләренә ашыктылар. Алар «Юл йөрү кагыйдәләре» буенча белемнәрен яңарттылар. Уңышлы уку еллары булсын!

2 сентябрь - Белем көненә багышланган тантаналы линейка. Бүген безнең мәктәптә Белем көненә багышланган тантаналы линейка узды. Бу үзенчәлекле көнне укучылар һәм укытучылар яңа уку елы башлануын билгеләп үтү өчен бергә җыелдылар. Линейка ачылу тантанасы Россия һәм Татарстан Флагы күтәрелү һәм Россия һәм Татарстан республикасы гимнын башкару белән башланып китте. Директор Ф.М. Гайнутдинов барлык укучыларны, укытучыларны һәм ата-аналарны яңа уку елы башлану белән котлады. Белем көне-барлык укучылар өчен мөһим бәйрәм. Бу көнне без укучыларны һәм укытучыларны котлыйбыз. Беренче тапкыр мәктәпкә баручылар өчен бу көн икеләтә дулкынландыргыч: беренче сыйныф укучылары үз тормышларының яңа битен ачалар. Кадерле беренче сыйныф укучылары, безнең мәктәп укучылары! Белем көне сезнең өчен якты һәм шатлыклы бәйрәм булсын. Сезгә шатлыклы һәм күңелле мәктәп тормышы, яхшы билгеләр, белемгә һәм яңа ачышларга омтылышлар телибез. Яңа уку елы уңышлы, якты һәм кызыклы булсын. Традиция буенча, линейка тәмамлангач, яңа уку елы башлануны билгеләгән беренче кыңгырау яңгырады. Алда безне яңа белемнәр, яңа казанышлар һәм яңа җиңүләр көтә. Барыгызга да уңышлар теләп калабыз!

"Зур Нөркәй УББМ" МБМУда Белем көне

Бүген мәктәбебездә Белем көненә багышланган тантаналы линейка узды. Балаларны уку елы башлану белән котларга Сарман муниципаль районы Башкарма комитеты җитәкчесе Вәлиев Фәндәс Әнәс улы килде. мәгариф бүлегенең өлкән методисты Фәррахова Резеда Фирдәвес кызы, башкарма комитет җитәкчесе урынбасары Җәлил Идиатуллина Г.М., "Тимер" мотоатыш батальоны сугышчысы. Сәламләү сүзе белән мәктәп директоры Р.Р. Гыйльфанова чыгыш ясады. Балаларга һәм педагогларга продуктив уку елын телибез.

Зиннәт Хәсәнов исемендәге Иске Кәшер урта  мәктәбендә Белем коне.

Бүген МББУ "Петровский Завод урта гомуми белем бирү мәктәбе" нең яңа уку елына старт бирү өчен ишекләре ачылды!

1 сентябрь – укыган һәм укыткан һәркем өчен кадерле бәйрәм. Бу чираттагы уку елының башы һәм җиңүләр юлында күп эшләр көтә. Бу көн белем дөньясына үз юлын укучылар өчен иң көтелгәне, чөнки алар бөтенләй яңа, әлегә таныш булмаган, ләкин бик якты һәм бай эчтәлекле тормышка аяк басалар. Чыгарылыш сыйныф укучылары өчен-бу һөнәр сайлауда хәлиткеч ел, бу мөстәкыйль һәм олы тормыш алдыннан йомгаклау этабы. Тантаналы линейка Россия Дәүләт флагы һәм Татарстан Республикасы Дәүләт флагы күтәрелүдән һәм Россия Федерациясе Гимнын һәм Татарстан Республикасы Гимнын башкарудан башланды. Котлау сүзләре белән мәктәп директоры Фазлыева Гүзәл Дамир кызы, Сарман муниципаль районының Яшьләр эшләре, спорт һәм туризм буенча начальнигы Гыйльфанов Руслан Хамбалович, Вафин Ирек Фатих улы - Александровка авыл җирлеге башлыгы чыгыш ясадылар. Беренче сыйныф укучыларына истәлекле бүләкләр тапшырылды. Бу бәйрәм көненең төп вакыйгасы - беренче кыңгырау. Аның шау-шулы тавышы барысына да мәктәпкә, парталар артына китәргә вакыт икәнлеген искәртте. Тантаналы өлештән соң балалар сыйныфларга беренче дәрескә таралдылар. 1 сентябрь бәйрәме һәрвакыт шатлыклы булып кала. Укучыларга һәм укытучыларга мәктәптә үткәргән барлык көннәрнең онытылмаслык һәм могҗизалы булуын телисе килә. Яңа уку елы һәркем өчен уңышлы һәм белемгә, ачылышка, иҗатка һәм казанышларга бай булсын!