"Воинам стоявшим на страже мира и Отечества 1945-1994 гг" һәйкәле ачылды.

2021 елның 12 октябре, сишәмбе

1945 елның 10 июнендә Германиядәге Совет оккупация гаскәрләренең төркеме үз бурычларын үти башлый. Алга таба ул тагын ике тапкыр атамасын үзгәртә, әмма таркату процессы башланганчыга кадәр СССР иминлеген тәэмин итү һәм дөньякүләм көчләр балансын саклауда төп звено, мөһим көч булып тора. Бу гаскәрләрдә Сарман якларыннан да байтак егетләребез хезмәт итә. Шулар хөрмәтенә Сарманда һәйкәл ачылды.
Һәйкәл ачылу тантанасы Үзәк ял паркында үткәрелде, чарага хәрби хезмәт ветераннары, улларын аримия сафларыннан көткән әниләр, туганнары,якын дуслары җыелды.
Музей директоры- Кашипова Дания Мамдуховна, ветераннарны котлау чыгышында, илебез, меңләгән гаиләләр тарихында уелып калган еллар турында сөйләп үтте. Илебездән хәрби хезмәт күрсәтү өчен киткән яшь егетләр санын ишеткәч, хәтта ышанмый да торасың. Телдән әйткәндә бик җиңел әйтелә миллионы да, меңе дә... ә бу саннарның һәр данәсе - кеше.
Бу олы эшне бердәм көч белән ветераннар, башыннан азаккача үзләре башкарып чыккан. Төрле вакытта хезмәт итүләренә карамастан, еллар үтсә дә, араларында һаман да бердәмлек, дуслык көче сизелә.
Чит җирләрнең кыенлыкларына, туган илләрен,туган йортларын, газиз әти-әнисен, туганнарын сагыну сагышларына сабыр итеп,биргән антларына тугры калган ир- егетләрнең батырлыгына дан булсын әлеге һәйкәл.

 

ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International