Нуриәхмәтовлар гаиләсе илебез Президентын сайлауларында

Татарстанның Сарман районында Җәлил бистәсендәге «Җәлилнефть» нефть-газ табу идарәсенең 50 еллыгы исемендәге паркны этаплап төзекләндерү планлаштырыла. Бүлеп бирелгән финанслау кысаларында «Тормыш өчен Инфраструктура» милли проекты буенча гамәлгә ашырылачак эшләрнең беренче этабы төп аллеяны яңартуны, өслекне һәм яктырту системасын алыштыруны үз эченә ала. Шулай ук эскәмияләр, чүп савытлары һәм таган урнаштыру, лапасны төзекләндерү, керү аркасын монтажлау һәм ял итү зоналары белән хуш исле аромасад булдыру каралган. Парк территориясен алга таба үстерү акрынлап, эшләнгән концепция нигезендә һәм алдагы этапларга финанслау бүлеп бирү шарты белән барачак. Проект нигезендә, паркта яшеллекләрне саклап калу, тротуар плиткасын яңарту, төрле яшьтәге балалар өчен уен зоналары һәм спорт мәйданчыклары булдыру планлаштырыла. Перспективалы планнарда шулай ук сәхнәле амфитеатр төзү дә бар. Балалар һәм спорт мәйданчыкларын заманча җиһазлар һәм куркынычсыз резина өслекләр белән тәэмин итү планлаштырыла. Спорт мәйданчыкларында воркаут-комплекслар, теннис өстәлләре һәм тренажерлар урнаштырылачак. Паркка функциональ элементлар өстәү турында халыкның фикерен исәпкә алу өчен иҗтимагый фикер алышулар үткәрү планлаштырыла, аларның нәтиҗәләре проектны алга таба эшләгәндә исәпкә алыначак. Төзекләндерүнең алдагы этапларын гамәлгә ашыру сроклары финанс мөмкинлекләренә һәм муниципаль дәрәҗәдә кабул ителә торган карарларга бәйле булачак.

28 апрель көнне Ләшәү-Тамак төп гомуми белем бирү мәктәбендә «Милли һәм этномәдәни белем бирү: традицияләр һәм заманча өстенлекләр» дигән Бөтенроссия фәнни-гамәли конференция булып узды. «Аленушка» балалар бакчасы тәрбияләнүчеләре бакча данын яклап зур уңышларга ирештеләр. «Тукайны табигать турында укыйбыз» номинациясендә: · Төхфәтуллина Динара-җиңүче. · Мөхәммәдиева Рилана- призер. "Тукай иҗатында табигать» номинациясендә җиңүчеләр: Садыйков Рүзәл, Мусавирова Рамина, Гайсина Мәликә, Төхвәтуллина Динара булдылар. Тәрбияләнүчеләрне һәм аларның остазларын югары нәтиҗәләр белән котлыйбыз! Яңа иҗади җиңүләр һәм илһам телибез!

Габдулла Тукайның 140 еллыгына һәм Туган тел көненә багышланган музыкаль-әдәби кичә  «Җәлилнефть» НГТИ Хезмәт даны музеенда узды. Очрашуда мәктәп укучылары, бистәдәге балалар бакчаларында тәрбияләнүчеләр, нефть ветераннары, “Җәлил чаткылары” шигъри клубы әгъзалары катнашты. Альмира Әнәс кызы Галиәхмәтова Г.Тукайның тормышы һәм иҗаты турында тәкъдир итте. 4нче балалар бакчасында тәрбияләнүчеләр шагыйрь әсәрләре буенча театраль тамаша күрсәттеләр, аның шигырьләрен укыдылар һәм барысы өчен дә яраткан «И туган тел» җырын башкардылар. Укучылар шулай ук шигырьләр, җырлар белән чыгыш ясады. Балалар китапханәсе хезмәткәре Алия Фәйрушина шагыйрьнең иҗатын һәм тормышын тагын бер кат ачып җибәргән мавыктыргыч викторина үткәрде. Җиңүчеләр «Татнефть» хәйрия фонды нәшер иткән китаплар белән бүләкләнделәр.

Тулы хәрби-махсус әзерлек программалары буенча курсантлар тарафыннан югары хәрби-уку йортларына укырга керү өчен кандидатлар сыйфатында урта гомуми белемле Россия Федерациясе гражданнары карала: а) хәрби хезмәт узмаган 16 яшьтән 22 яшькә кадәрге егетләр; б) хәрби хезмәт узган гражданнар һәм чакырылыш буенча хәрби хезмәт узучы хәрби хезмәткәрләр, алар 24 яшькә җиткәнче; в) югары уку йортларына тулы хәрби программа сус әзерлек программалары буенча укырга керүче контракт буенча хәрби хезмәт узучы хәрби хезмәткәрләр (офицерлардан тыш) алар 27 яшькә җиткәнче.  Әмма санап үтелгән категорияләрнең берсенә туры килү генә җитми. Курсант булырга теләүчеләр башка таләпләрне дә үтәргә тиеш, аерым алганда: сәламәтлеге торышы буенча хәрби уку йортына укырга керергә яраклы булырга, билгеләнгән психологик һәм психофизиологик параметрларга җавап бирергә, шулай ук гомуми белем, физик, иҗади һәм (яисә) һөнәри әзерлек дәрәҗәсен бәяләүдән торган керү сынауларын уңышлы узарга тиеш. Хәер, бүген хәрби вузда уку-офицер булуның бердәнбер ысулы түгел. Беренче офицер исемен кадр яки запастагы офицерлар программалары буенча гражданнарны әзерләүне гамәлгә ашыручы федераль дәүләт югары белем бирү оешмаларының берсе каршындагы Хәрби укыту үзәгендә (Алга таба – ВУЦ) алырга мөмкин. Югары белем бирүнең хәрби һәм гражданлык белем бирү оешмаларын тәмамлаучылар, тулаем алганда, тигез статусларга һәм карьера үсешенең тигез перспективаларына ия, әмма үз аерымлыклары да бар.