Шул уңайдан районда да тантаналы чаралар үткәрелде. Сарманда уздырылган «Татарстан флагы – минем горурлыгым!» дип исемләнгән тантанада бәйрәм мәйданына иң элек дәүләт флаглары кертелде. Сарман муниципаль районы Башлыгы Фәрит Мөнәвир улы Хөснуллин якташларны бәйрәм белән тәбрикләде. Республикабызга багышланган җырлар яңгырады. Мәйдан аша дәүләт флаглары эленгән автомобильләр үтте.

Ләке төп гомуми белем бирү мәктәбендә «Татарстан Флагы — безнең горурлыгыбыз»дип исемләнгән класс сәгате үтте. Чара барышында катнашучылар әлеге мөһим символның барлыкка килү тарихы, аны булдыручы һәм флаг төсләренең нәрсә аңлатуы турында белделәр. Очрашу азагында Ватан турындагы мәкальләр әйтелде, бу исә тарихны белү һәм  Ватаныңны ярату кирәклеге турында нәтиҗә ясарга мөмкинлек бирде.

   2024 елның 22-23  нче  ноябрьдә Сарман гимназиясендә физкультурадан  олимпиада узды. Анда 33 укучы катнашты.

Олы Нөркәй урта мәктәбе базасында «мөһим нәрсәләр турында сөйләшәбез» муниципаль семинары узды, ул мәгариф оешмаларында «мөһим нәрсәләр турында сөйләшүләр» дәрестән тыш эшчәнлек программасын гамәлгә ашыру һәм координацияләү форматлары һәм инструментлары белән танышуга юнәлдерелгән.