Бриллиант юбилярлар

2024 елның 5 декабре, пәнҗешәмбе

Бүген, 05 декабрьдә, Халыкара инвалидлар көне һәм игелек декадасы,  Гаилә елы кысаларында Сарман муниципаль районы башкарма комитеты җитәкчесе урынбасары, хатын-кызлар Советы рәисе Индира Сәхипова Шәйхелмардан һәм Глүсә Ризатдиновларны бриллиант туйлары белән котлады. Юбилярларга  ГХАТ бүлеге җитәкчесе Гөлчәчәк Вәлишина, ветераннар Советы рәисе Асыляр Харисов, Сарман авыл җирлеге башкарма комитеты җитәкчесе Лилия Шәрипова, район «Шәфкәтъ»  үзәге җитәкчесе Ландыш Мөхлисуллина туганнары һәм якыннары изге теләкләрен җиткерделәр. Юбилярларга Сарман муниципаль район Башлыгы Фәрит Хөснуллинның Рәхмәт хаты һәм истәлекле бүләкләр тапшырылды. Юбилярларга исәнлек-саулык, һәр туар көндә шатлык, куаныч, җан тынычлыгы теләп калабыз.