"Сандугач" балалар бакчасының тәрбиячеләрен бүләкләделәр.
Бүген Сарман авылы мәдәният йортында Татарстан Республикасы Сарман районы җитәкчеләре һәм педагогик хезмәткәрләре өчен "Бүгенге чынбарлык һәм киләчәк: заманча белем бирүнең өстенлекле юнәлешләре" темасына август педагогик конференциясе узды. Анда узган уку елына йомгаклар ясалды, шулай ук яңа 2025-2026 уку елына максатлар куелды һәм бурычлар билгеләнде. Тәрбиячеләребез: Әхкәмова Дания Марат кызы – Татарстан Республикасы Сарман муниципаль районы Советының Мактау грамотасы, Гыйльметдинова Эльза Фоат кызы – «Мактаулы остаз» билгесе, Мостафина Гөлшат Абүзәр кызы – «Телләрне, мәдәниятне, гореф-гадәтләрне саклаган һәм үстергән өчен» дигән күкрәк билгесе, Сафина Алия Раушан кызы - «Яшь педагог» күкрәк билгесе белән бүләкләнделәр. Аларны котлыйбыз һәм киләчәктә дә уңышлар телибез.