ЯҢАЛЫКЛАР
Уку чиреге Россиякүләм эшмәкәрлек атналыгыннан башланып китте. Атналыкта сыйныф сәгатьләре, финанс грамоталылыгы дәресләре, түгәрәк өстәл артында сөйләшүләр үткәрү планлаштырылды.
Бүген 3 В сыйныфы укучылары песнәкләргә багышланган бәйрәм үткәрделәр. Алар бу кошлар турында бик күп кызыклы мәгълүмәтләр белән таныштылар. Балалар бәйрәмнән кошларга җимлек әзерләү теләге белән таралышты.
10 ноябрь көнне Җәлил беренче санлы мәктәбендә Сәламәт яшәү рәвешенә багышланган сыйныф сәгате узды. 6б сыйныф укучылары сыйныф җитәкчесе Шәяхмәтова Р.М. белән "Без сәламәт яшәү рәвеше өчен"дигән проект әзерләделәр. Балалар дөрес туклану графигы, көн режимы төзеделәр, зарарлы гадәтләр турында сөйләштеләр.
“Боз өстендә куркынычсызлык кагыйдәләре” темасына мәктәптә балалар белән класс сәгатьләре, әңгәмәләр бик еш алып барыла, рәсемнәр ясала. Безнең мәктәп укучылары районда оештырылган “Бозда сак бул!”дигән балалар рәсеме һәм видеороликлар конкурсында катнашалар.
Бүген «Алёнушка» балалар бакчасында "Песнәк көне" узды. Тәрбиячеләр балаларга кыш көне кошларга ярдәм итү кирәклеге турында сөйләделәр, күчмә һәм кышлаучы кошлар турында табышмаклар чиштеләр, уеннар уйнадылар, рәсемнәр ясадылар. Балалар әти-әниләре белән кошлар өчен җимлекләр ясадылар.
Хөрмәтле гражданнар! "Татарстан Республикасы Гидрометеорология һәм әйләнә - тирә мохитне күзәтү идарәсе" ФДБУНӘН килде:
Метеорологик күренешләрнең интенсивлыгы турында Консультация-кисәтү
18 сәгатьтән. 12 ноябрь 18 сәгатькә кадәр. 13 ноябрь 2021 ел.
2021 елның 13 ноябрендә Татарстан Республикасы территориясендә һәм Казан шәһәрендә урыны белән көтелә:
- төнлә көчле кар;
- төнлә һәм Көндез күз күреме 1-2 километрга кадәр начараю белән буран, кыска вакытлы 1000 метрдан ким;
- төнлә һәм көндез юлларда бозлавык, кар боткасы.
Теләсә нинди бәла булган очракта сез һәрвакыт ашыгыч хезмәтләрне бердәм чакыру номерына – «112»мөрәҗәгать итә аласыз. Шалтыратулар тәүлек әйләнәсе һәм шәһәр һәм кәрәзле телефоннардан бушлай кабул ителә.
ТР буенча Россия ГТХМ Баш идарәсенең "ышаныч телефоны" 8 (843) 288-46-96.
12 ноябрь көнне 4 нче номерлы "Сандугач" балалар бакчасында "Песнәкләр көне"дип исемләнгән тематик көн үткәрелде.
Картаерга һич тә ашыкма! Яшәү дәрте янсын йөрәгеңдә, Алсу таңнар күмсен шатлыкка. Һәр яңа көн бәхет алып килсен, Туачак таңнарың һәрвакыт нурлы, күк йөзең һәрвакыт аяз булсын. Гел шулай елмаеп, кешеләрне сөендереп яшә! Сине олы бәйрәмең — 55 яшьлек юбилеең белән чын күңелдән котлыйбыз. Сиңа нык сәламәтлек, күңел тынычлыгы, гаилә шатлыгы, кайгы-хәсрәтсез көннәр, ак бәхетләр, балаларыңның һәм оныкларыңның күңел җылысын тоеп, игелекләрен күреп, бәхетле озын гомер кичерүеңне телибез. Киләчәгең җыр кебек матур, кояш кебек якты булсын
Бүген, 2021 елның 12 ноябрендә, Сарман муниципаль районы Советының бюджет – финанс мәсьәләләре, җирле салымнар һәм җыемнар буенча Даими комиссиясе утырышы булды. Утырышның көн тәртибенә «Татарстан Республикасының 2022 нче елга һәм 2023, 2024 нче елларның планлы чорына Сарман муниципаль районы бюджеты турында»гы карар проектын карау һәм тикшерү кертелгән иде.
Утырышка район башлыгы урынбасары Г.Р. Гәрәева, районның финанс-бюджет палатасы рәисе Л. Ш. Зыятдинова, районның контроль-хисап палатасы Рәисе Ф. М. Хаҗиева, районның финанс-бюджет палатасы Рәисе урынбасары Э. Р. Андрианова чакырылган иде.
Утырышны комиссия рәисе И.Г. Габделгазизов алып барды.
Россия Федерациясе Граждан кодексының 23 статьясындагы 1 пункты нигезендә граждан, индивидуаль эшкуар буларак дәүләт теркәвенә алынганнан соң, юридик зат оештырмыйча гына, эшкуарлык эшчәнлеге белән шөгыльләнергә хокуклы. Шуны истә тотарга кирәк, гражданны индивидуаль эшкуар сыйфатында дәүләт теркәве аңа күрсәтелгән статуска бәйле хокуклардан һәм гарантияләрдән файдалану мөмкинлеген генә биреп калмыйча, аларга тиешле вазифалар һәм хәвеф-хәтәрләрдән, шул исәптән мондый эшчәнлек алып бару кагыйдәләрен үтәү, салым салу, Россия Федерациясенең бюджеттан тыш дәүләт фондларына (РПФ һәм ММИФ) иминият взносларын түләү буенча бурычларны да үз өстенә алуны күздә тота.