ЯҢАЛЫКЛАР
Җәлил беренче мәктәбе укучылары комплекслы тикшерү эшләрен дәвам итәләр. Бу атнада ВПР тарих буенча 5,7 сыйныфларда УЗДЫ, 4 нче сыйныфлар математика буенча ВПРДА катнашты. Бу-бердәм биремнәр нигезендә бөтен Россия буенча үткәрелә торган контроль эш.
Җәлил 1 нче санлы мәктәбе укучылары "Фәнгә адымнар" Бөтенроссия фәнни-гамәли конференциясендә катнаштылар һәм 3 нче урынны яуладылар, фәнни җитәкчеләр Әсәдуллина А. М., Сафиуллина Ф. Г. котлыйбыз
27 март көнне Җәлил гимназиясе базасында укытучылар, мәктәп укучылары һәм студентларның "Татарстан Республикасының экологик-географик үзенчәлекләре" дигән V Республика фәнни-гамәли конференциясе булып узды. Җәлил беренче мәктәбе укытучылары һәм укучылары конференциядә актив катнаштылар һәм урыннар яуладылар.
Зур Нөркәй “Кояшкай” балалар бакчасында “Язны котлап сайрый кошлар” дигән иртә үткәрелде.
Язлар җитте… Канатлы дусларыбыз да җылы яклардан кайта башладылар.
Шул уңайдан һәм санитар-экологик икеайлык кысаларында Күтәмәле мәктәбендә актив эш бара. Укучылар, география укытучысы Мусина Л.И. белән берлектә, кошларга оялар ясадылар. Аларга кайтып кунаклыйсы гына калды!
1 апрель көнне Җәлил мәдәният сараенда «Әби сандыгы»дип исемләнгән чара узды.
Бүген "Сарман" кинотеатры бинасында 2021 елның 19 сентябрендә узачак Россия Федерациясе Дәүләт Думасына депутатлар сайлауда тавыш бирүне күзәтүчеләр өчен укулар узды. Укыту программасын "бәйсез иҗтимагый мониторинг" ассоциациясе экспертлары Марсель Гәрәев һәм Алексей Киселев тәкъдим итте.
2021 нче ел-Татарстан Республикасында Туган телләр һәм Халыклар бердәмлеге елы уңаеннан, Җәлил мәдәният йортында "Ак әбидә кунакта " дип аталган мәдәни чара үткәрелде. "Каенкай" балалар бакчасы мәктәпкә әзерлек төркеме балалары "Ак калфак " иҗтимагый хатын-кызлар оешмасының Җәлил бүлекчәсе , "Дуслык" ветераннар ансамбле белән очраштылар. Балалар туган тел турында шигырьләр сөйләделәр, җырлы- биюле уеннар уйнадылар.Борынгы татар өе , көнкүреш әйберләре белән таныштылар. Ак әби балаларны кызыксындырган сорауларга җавап бирде, изге теләкләрен җиткерде.
Бүген 4 нче номерлы «Сандугач» балалар бакчасында Кошлар көне узды.
Туган тел һәм Халыклар бердәмлеге елы уңаеннан, 2021 елның 1 апрелендә Сарман гимназиясенең 9 нчы сыйныфында "Сарман районы мәдрәсәсендә XIX гасырда телләр укыту"дигән темага ачык дәрес үткәрелде. Әдәбият укытучысы Салихова Алсу Сабитовна һәм Сарман Бөек Ватан сугышы һәм туган якны өйрәнү музее директоры Кашипова Дания Мамдуховна укучыларга телләрне өйрәнү тарихы турында сөйләделәр.