ЯҢАЛЫКЛАР
Кутәмәле мәктәбендә 4-9 сыйныф укучыларына «Кеше хокуклары» бөтенроссия бердәм дәресе уздырылды. Бердәм дәреснең максаты-илебезнең яшь гражданнарының хокукый культурасын формалаштыру. Бердәм дәрес яшь буыннар үсешендә төп роль уйный, гаделлек, тигезлек һәм үзара аңлашу принципларына нигезләнгән гармонияле җәмгыять формалаштырырга ярдәм итә. Бу илебезнең җитлеккән һәм аңлы гражданнарын булдыруга мөһим өлеш. Бердәм дәрес Россиядә һәм бөтен дөньяда ел саен 10 декабрьдә билгеләп үтелә торган Кеше хокуклары көненә багышланган.
Бүген Сарман авылының «Айтуган» спорт залында Татарстан Республикасының Көньяк-Көнчыгыш ветераннары (пенсионерлары) арасында өстәл теннисы буенча ярышлар узды. Анда Татарстанның 9 районыннан ир-атлар һәм хатын-кызлар катнашты. Сарман районы данын Венер Вәлиев һәм Рузалия Сираева яклады.
Бүген 2025 елның 5 декаберендә Ватанны саклаучылар елы һәм «Ныклы гаилә» проекты кысаларында Сарман муниципаь районы Башлыгы Фәрит Мөнәвир улы Хөснуллин Вильям Роман улын һәм Розалия Вагыйз кызын алтын туйлары белән котлады. Юбилярларга Башкарма комитеты җитәкчесе урынбасары, районның Хатын-кызлар Советы рәисе Индира Рәис кызы Сәхипова, ГХАТ бүлеге җитәкчесе Гөлчәчәк Әмирҗан кызы Вәлишина, , Сарман авыл җирлеге башкарма комитеты секретаре Резеда Рәшит кызы Салемгәрәева, туганнары һәм якыннары үзләренең изге теләкләрен җиткерделәр.
Гаилә башлыгы Вильям Романович күп еллар районның аграр көллиятендә хезмәт иткән, Розалия Вагыйзовна бөтен гомерен балаларны укытуга һәм тәрбияләүгә багышлаган. Яшь буынга бөек рус теленең матурлыгын җиткерә, рус язучыларының иҗатына мәхәббәт тәрбияли алган.
Юбилярларга муниципаль район Башлыгының Рәхмәт хаты һәм истәлекле бүләкләр тапшырылды.
Инвалидлар көне-бәйрәм көне түгел, ә безнең янәшәдә мөмкинлекләре чикләнгән кешеләрнең яшәвен искә төшерү, аларга башкаларга караганда кыенрак, һәм безнең бурыч – аларга игътибар бирү, сүз белән дә, эш белән дә ярдәм итү.
Әлеге чара кысаларында безнең мәктәп укучылары махсус хәрби операциядә катнашучы Галәмов А. И., Әфган сугышы ветераны Фазлыев Б. А., Чечня республикасындагы хәрби хәрәкәтләрдә катнашучы Зәйнәгетдинов и. А. белән очраштылар.
Сарман районы ирекле хәрәкәтенең барлык вәкилләрен дә бәйрәм белән котлыйм. Хөрмәтле волонтерлар, ел буе башкарган мөһим һәм файдалы эшләр өчен рәхмәт сүзләрен кабул итегез. Сез районда күп кенә үзгәртеп коруларның инициаторлары һәм башлангычлары. Авыр тормыш хәлендә калган кешеләрне коткару, ярдәмгә мохтаҗ хайваннарны, туган як табигатен, мәдәни мирасны саклау – ул бүген «волонтер» сүзе белән нык ассоциацияләнә һәм сезнең һәрберегезнең өлешеннән башка яши алмый. Россия Президенты Владимир Путин билгеләп үткәнчә, шәфкатьлелек, кызгану, авыр булганнарга ярдәмгә килергә омтылу – чикләрне белмәгән кыйммәтләр. Сезгә һәм якыннарыгызга чын күңелдән нык сәламәтлек, иминлек һәм тынычлык телим. Барлык башлангычларда уңышлар.
Бүген без "батареяны бир - планетаны коткар" исемле акцияга кушылдык. Файдаланган батареяларны җыю буенча, алардан соңгы куркынычсыз утильләштерүгә юнәлдерелгән төрле экологик акцияләр өчен бу иҗтимагый исем. Бөтен ил буйлап оештырыла торган батареяләр җыю буенча масштаблы кампанияләрдә катнашыгыз!🙏
Өйдә батареяларны җыегыз: гади чүп-чарга эләкмәсен өчен кулланылган батареяларны җыю өчен махсус пакет кулланыгыз.
Ни өчен бу мөһим.
Пычрану: эшкәртелгән батареяларда авыр металлар (мәсәлән, кургаш) һәм чүплеккә эләккән очракта туфракны һәм грунт суларын пычратырга мөмкин булган башка зарарлы матдәләр бар.
Экологик зыян: бер батарея 400 литрга кадәр су һәм 20 кв. м җирне пычратырга сәләтле, бу үсемлекләргә, хайваннарга зыян китерә һәм кеше сәламәтлеге белән бәйле проблемаларга китерергә мөмкин.
#Сдай батарейку - спаси планету#
Традиция буенча, декабрь башында илебездә инвалидлар ункөнлеге оештырыла. Аның кысаларында районда да күптөрле чаралар үткәрелә. Шуларның берсе – физик мөмкинлекләре чикләнгән гражданнар арасында автомобиль йөртү осталыгы буенча бәйге. Анда быел да теләп катнаштылар.
Чарага килгәннәрне район ЮХИДИ бүлекчәсе инспекторы Илнур Шәрипов, Сарман районында «Юл хәрәкәте иминлеге» дәүләт бюджет учреждениесе бүлекчәсе начальнигы Алсу Ситдыйкова, район ветераннар Советы һәм инвалидлар җәмгыяте рәисе Асыляр Харисов, ДОСААФның территориаль бүлеге рәисе Илдус Мәүләвиев сәламләделәр һәм конкурсантларга уңышлар теләделәр.
Иң элек бәйгедә катнашучылар «Юл кагыйдәләре белгечләре» этабында көч сынаштылар, аннан соң «Транспорт чарасын автошәһәрчектә йөртү»гә күчтеләр. Нәтиҗәдә җиңүче булып Петровский Завод авылыннан Илгизәр Шаяхмәтов танылды. Җәлил поселогыннан Радист Кызрачев – икенче, Янурыс авылыннан махсус хәрби операция ветераны Александр Гайнетдинов өченче урыннарны яуладылар. Түбән Чыршылы авылыннан Геннадий Тимашов белән Иске Минзәләбаш авылыннан Раушан Миңнегалиев та бүләксез калмадылар.
Катнашучыларны район башлыгы Фәрит Хөснуллин, район Башкарма комитеты җитәкчесе урынбасары Индира Сәхипова, «Бердәм Россия» партиясенең җирле бүлекчәсе башкарма комитеты сәркатибе Айназ Сафина, Алсу Ситдикова, Илдус Мәүләвиев бүләкләделәр.
Тракторларны җирлек башлыклары ТР Муниципаль берәмлекләре советы бирә торган грант ярдәме акчасына сатып алганнар. Җиңүчеләр арасында районыбызның 4 җирлеге — Рангазар, Әлмәт, Зур Нөркәй һәм Ләке авыл җирлекләре бар. Яңа техника алуыбыз белән котлыйбыз!