ЯҢАЛЫКЛАР

14 февраль көнне әзерлек төркеме балалары белән бөек татар шагыйре Муса Җәлил иҗаты турында әңгәмә үткәрелде. Әңгәмәнең максаты-бөек шагыйрьгә, аның батырлыгына хөрмәт, туган илгә мәхәббәт һәм тугрылык тәрбияләү.

Ватанны саклаучылар елы һәм хәрби-патриотик айлык кысаларында Саклаубаш урта мәктәбендә "Батыр егет - ил күрке"чарасы оештырылды.

Ләке төп гомуми белем бирү мәктәбендә укучыларның кайнар туклануын оештыруга ата-аналар контроле узды.

Тикшерү барышында укучыларның шәхси гигиена кагыйдәләрен үтәү шартлары, аш залының санитар-техник торышы, ашханәнең эш режимы, хезмәт күрсәтү культурасы, әзер ризыкларны бәяләү кебек туклануны оештыру күрсәткечләре каралды. Кайнар туклануны оештыру буенча кисәтүләр юк.

Муса Мостафа улы Җәлил (1906 ел – 1944 ел) – татар язучысы , Совет берлеге каһарманы . Бу исемне телгә алуга , күз алдына ниндидер гадәттән тыш кеше килгәндәй була . Ул – ялкынлы шигырьләр язган шагыйрь дә, илнең азатлыгы өчен курку белмәс көрәшче дә , үлемне ирләрчә батыр каршылаган каһарман да. . « Гомерем минем моңлы бер җыр иде , Үлемем дә яңгырар җыр булып .» дип яза Муса Җәлил. Матур итеп бизәлгән залда балалар белән бергә Җәлилнен шигырьләрен искә алып. яттан сөйләдек, аның батырларча һәләк булуын искә алдык                                             

Бүген тыл ветераны Мөдәрис Шәмсимөхәммәт улы Нәҗметдинов 95 яшьлек юбилеен билгеләп үтә. Юбилярны истәлекле дата белән Сарман муниципаль районы Башлыгы Фәрит Мөнәвир улы Хөснуллин котлады, Россия Федерациясе Президенты Владимир Владимирович Путинның Котлау хатын, «1941-1945 еллардагы Бөек Ватан сугышында Җиңүгә 80 ел» юбилей медален һәм истәлекле бүләкләр тапшырды.

15 февраль - бистәдә яшәүчеләр өчен үзенчәлекле дата. Бу көнне без бөек татар шагыйре, Советлар Союзы Герое Муса Җәлилнең туган көнен билгеләп үтәбез. Бу истәлекле дата алдыннан, 14 февральдә, Шагыйрь һәйкәле янында тантаналы митинг узды.  Җәлилнең 1нче мәктәбе укучылары анда катнашып, герой-шагыйрьне искә алдылар.

Бүген 4 нче "Кызыл калфак" Җәлил балалар бакчасында, гадәттәгечә, герой-шагыйрьнең туган көненә багышланган "Муса Җәлил безнең йөрәкләрдә" патриотик сәгате узды. Татар телен өйрәтү буенча тәрбияче Рәхмәтова Айгөл Фәнил кызы урта, өлкән һәм әзерлек төркеме балалары белән әдәби чара үткәрде. Балалар Муса Җәлилнең тормыш һәм иҗат юлы белән таныштылар.

13 февральдә «Авыл хуҗалыгы машиналары» компетенциясе буенча 2025 елда Татарстан Республикасы «Профессионаллар» һөнәри осталык чемпионатының төбәк этабын ябу тантанасы булды. Чарада Сарман муниципаль районы Башкарма комитеты җитәкчесе Фәндәс Әнәс улы Вәлиев катнашты.

Петровскозавод балалар бакчасы" МБББББУ кече балалар музыка белән шөгыльләнүне бик яраталар. Музыка белән шөгыльләнү балага кызыклы уен формасында музыка дөньясына керү генә түгел, шулай ук акыл һәм физик сәләтләрне үстерергә, шулай ук баланы социаль адаптацияләүгә ярдәм итәргә мөмкинлек бирә. Күңелле җырлар, музыкага күнегүләр, мәзәкләр, халык һәм классик музыка баланың шәхесе үсешенә, аның иҗади сәләтләрен формалаштыруга уңай йогынты ясый. Музыкаль дәрес хәрәкәт, координация, игътибар туплау, сөйләм (җырлау) күнекмәләрен үстерә, балалар коллективта үзара бәйләнештә белем ала, музыкаль ишетүләрне үстерә

Югары Чыршылы авыл җирлегендә «1941-1945 еллардагы Бөек Ватан сугышында Җиңүгә 80 ел» юбилей медальләрен тапшыру тантанасы булып узды.