ЯҢАЛЫКЛАР
Яшьләр көне уңаеннан Шәрләрәмәдә волейбол ярышы узды.Яшьләр командасы җиңү яулады.
26 июньдә чыгарылыш сыйңыф укучыларына өлгерлек аттестатларын тапшыру тантанасы булды.
Кадерле яшьләр, хөрмәтле сарманлылар!
Яшьләр көне уңаеннан котлыйм!
Яшьлек – кеше гомеренең иң гүзәл чоры. Кайда яшьлек – шунда кыюлык, инициатива һәм оптимизм.
Районыбыз яшьләре талантлы, эшлекле, энергияле. Сезгә, кадерле егетләр һәм кызлар, зур өметләр баглана. Туган төбәгебезнең, илебезнең бүгенге һәм киләчәк үсеше сезнең актив тормыш позициягезгә бәйле. Сез барлык өлкәләрдә – авыл хуҗалыгы, сәламәтлек саклау, мәгариф, спорт, мәдәнияттә нәтиҗәле эшлисез. Арагызда үз бизнесларын үстерү юнәлешендә эшләүчеләр шактый. Шул ук вакытта районның иҗтимагый тормышында да актив катнашасыз. Барысы өчен дә рәхмәт сезгә!
Республикабызда, районыбызда яшьләрнең тормышын, ялын нәтиҗәле, файдалы итеп оештыру өчен барлык мөмкинлекләр дә тудырылган. Киләчәк сезнең кулда. Шуңа күрә сыйфатлы белем алырга, тырышып эшләргә омтылыгыз.
Бәйрәм белән тагы бер кат чын күңелдән тәбрик итәм, укуыгызда һәм эшегездә зур уңышлар телим. Алга куйган максатларга һәрвакыт ирешергә, бердәм булып һәм матур итеп яшәргә язсын.
Күңелләрегездә изгелек, мәхәббәт, дәрт сүрелмәсен. Сәламәт, бәхетле булыгыз.
Бүген "Радуга" көндезге ял лагерында тагын бер кызыклы һәм мавыктыргыч көн – «Юл йөрү кагыйдәләре көне» узды. Һәр көн саф һавада иртәнге зарядкадан башлана. Барлык балалар да актив катнашучылар, кайчагында аларга искиткеч педагоглар-тәрбиячеләр дә кушыла. Ел саен юлларда автомобильләр саны арта бара. Тимер ташкынны туктатырга көчебез юк. Әмма юллардагы күңелсез хәлләргә юл куймас өчен без балаларга ярдәм итә алабыз. ЮХИДИ статистикасы буенча, нәкъ менә каникуллар вакытында балалар катнашкан Юл-транспорт һәлакәтләре саны арта. Балаларда юл хәрәкәте кагыйдәләрен белүдә һәм үтәүдә аңлылыклы кирәклекне тәрбияләү максатыннан, юл һәм куркынычсызлык кагыйдәләре буенча әңгәмә үткәрелде. Практикада отряд тәрбиячеләр белән бергә алган белемнәрен ныгытты. Балалар автомобильнең куркыныч чыганагы булуын аңлады.
Сарманда Яшьләр көнен билгеләп үттеләр.
Бүген Даулы болын мәйданында "АГРОКӨЧ " холдингы коллективларының традицион җәйге корпоратив бәйрәме-Сабантуй узды.
Район башлыгы Фәрит Хөснуллин Сабан туенда катнашучыларны котлады,район Советының Мактау грамоталары, җитештерү алдынгыларына бүләкләр тапшырды.
Бәйрәм программасында: тантаналы ачу һәм җитештерү алдынгыларын бүләкләү, халык күңел ачу чаралары, алар үз эченә традицион уеннар һәм аттракционнарны ала. Хуҗалыклар һәм предприятиеләр коллективлары арасында ярышлар - "Геройлар узышы". Милли көрәштән башка нинди Сабантуй бит инде!
Александровка авыл җирлеге территориясендә үлән чабу буенча өмә бара.
24 нче июнь көнне Җәлил бистәсенең Мәдәният йортында Җәлил гимназиясенең чыгарылыш балы узды. Кадерле чыгарылыш сыйныф укучылары, менә балачагыбыз тәмамланды. Сезгә сезнең алда ача торган барлык мөмкинлекләрне максималь рәвештә файдаланырга телибез. Үз талантларын һәм сәләтләрен тулы куәтенә тормышка ашырырга кирәк. Ирешелгәннәрдә беркайчан да тукталмаска, иң катлаулы сорауларга да җавап эзләргә һәм табарга кирәк. Бәйрәм белән, кадерле чыгарылыш сыйныф укучылары!
24 июнь көнне «Радуга» мәктәп яны сәламәтләндерү лагеренда «Экология көне» узды. Бу көнне экологик тәрбия бирүгә аерым игътибар бирелде. Балалар тере табигать дөньясына үзенчәлекле сәяхәт ясадылар. Барлык чаралар табигатьне саклауга юнәлтелгән иде. Ә безнең вакытта бу бик актуаль тема. Башта «Яшел даруханә» дигән викторина үткәрелде, «Әйләнә-тирә мохитне саклау» дигән әңгәмә булды, анда балалар кешенең табигать белән гармониядә яшәргә тиешлеге, сулыкларның, урманнарның, кырларның һәм болыннарның чисталыгы турында нәрсә кайгыртырга кирәклеге һәм табигатьне ничек сакларга кирәклеге турында сөйләштеләр. Чара барышында балалар сорауларга җавап бирделәр, табышмаклар һәм кроссвордлар чиштеләр. Төштән соң табигать турында видеофильм карау оештырылды. Кызыклы һәм бай көн булды!
Начар метеорологик күренешләр
Консультация-кисәтү
метеорологик күренешләрнең интенсивлыгы турында
2022 елның 24 Июнь 21 сәгатьтән 25 июнь 18 сәгатькә кадәр
Татарстан Республикасы территориясендә 2022 елның 25 июнендә төнлә һәм көндез урыны белән көтелә:
- төнлә һәм иртән томан;
көндез көнбатыштан, төньяк-көнбатыштан исүче җилнең тизлеге секундына 16 метрга кадәр.
2022 елның 25 июне
2022 елның 24 июнь 18 сәгатьтән 25 июнь 18 сәгатькә кадәр
Көнчыгыш Кама аръягы һәм Кама аръягы буенча:
Алмашынучан болытлы һава.
Төнлә явым-төшемсез, көндез урыны белән кыска вакытлы яңгыр.
Төнлә һәм иртән аерым районнарда томан.
Җил төньяктан, төньяк-көнбатыштан секундына 6-11 метр, көндез урыны белән көчәйгәндә 16 метрга кадәр.
Минималь һава температурасы төнлә +9..+13˚.
Көндез максималь һава температурасы +22..+25˚.