ЯҢАЛЫКЛАР
Бүген МОНД һәм ПР өлкән инспекторы Гарипов Р.Г., 131 нче янгын сүндерү бүлеге начальнигы Таҗетдинов Р. А. укучылар белән «янгын куркынычсызлыгы»темасына әңгәмә үткәрделәр. Әңгәмә барышында хезмәткәрләр балаларга янгын ачыкланган очракта эш итү тәртибе һәм янгын сүндерү сагына ничек хәбәр итәргә кирәклеге турында искә төшерделәр. Укучыларга шулай ук янгыннарның төп сәбәпләрен аңлаттылар, балаларга аларны булдырмау чараларын, көнкүрештә һәм мәктәптә куркынычсызлык кагыйдәләрен җиткерделәр. 9-10 сыйныф укучылары алдында һөнәри юнәлешле әңгәмә белән Россия гадәттән тыш хәлләр министрлыгының Иваново янгын-коткару академиясе курсанты Мәүлиев А.А. чыгыш ясады. Ул балаларны югары уку йортына кабул итү һәм укыту кагыйдәләре белән таныштырды.
2 нче Җәлил урта мәктәбенең укучылары, ата-аналары, укытучылары Махсус Хәрби Операциядә катнашучыларга ярдәм йөзеннән һәм Ватанны саклаучылар елы кысаларында «Сезне өйдә көтәләр» акциясендә катнашалар.
3 нче мартта "Җәлил гимназиясе" нең 11 сыйныф укучылары алдында һөнәри юнәлеш бирү әңгәмәсе белән Сарман һәм Мөслим районнары буенча хәрби комиссар урынбасары Һадиуллин Ленар Хәмбәл улы һәм Татарстан Республикасы Сарман һәм Мөслим районнары хәрби комиссары Гасанов Дашгын Гаджиага-оглы чыгыш ясадылар.
1нче санлы «Кояшкай» балалар бакчасының кечкенәләрнең икенче төркеменә йөрүче балалар сюжетлы-рольле уеннар уйнарга яраталар.
Бүген Сарман 4 нче санлы “Сандугач” балалар бакчасында май чабу- Масленица узды. Май чабу- күңелле, шау-шулы, яраткан рус халык бәйрәме. Май чабу атнасында кешеләр кышны озаталар һәм язны каршы алалар. Бу көннәрдә кешеләр күңел ачалар, кунакка йөрешәләр һәм коймак ашыйлар. Бу бәйрәмнең символы булып кояш, коймак һәм Май чабу карачкысы санала. Әлеге чарада балалар эстафета-уеннарында бик теләп ярыштылар, көч сынаштылар. Бәйрәм ахырында балаларның битләре кызарган, күңелләре шат иде. Иң мөһиме өстәлдә - тәмле коймаклар...
1 март көнне Яр Чаллы шәһәренең балалар һәм яшьләр иҗат сарае концертлар залында “Музыкальный звездопад” исемле Бөтенроссия вокаль сәнгать конкурсының II туры узды. "И.Г.Шакиров исемендәге Сарман балалар сәнгать мәктәбе" укучылары бик яхшы нәтиҗәләр күрсәттеләр. Беренче сайлап алу туры нәтиҗәләре буенча, "Шатлык" вокаль ансамбле, житэкчесе Хазиева Р.Р. һәм "Дуслык" вокаль ансамбле җитәкчесе Хәкимуллина М.Р. II турга узып, "Шатлык" вокаль ансамбле "Сандугачлар" исемле композицияне башкарып, II дәрәҗәге Лауреатка лаек булды,"Дуслык" исемле вокаль ансамбль "Ветераннар" җырын башкарып I дәрәҗәдэге лауреатка лаек булды.
Монда син булдыра аласың:
- үз идеяңне текә проектка әверелдерергә һәм аны яңа дәрәҗәгә чыгарырга;
- компетенцияләргә комплекслы бәя алу;
- командада эшләргә, грантка гариза язарга һәм ресурслар белән идарә итәргә өйрәнергә;
- Татарстан Республикасы яшьләре өчен топ оешмаларда стажировка узарга!
Проектта катнашу өчен түбәндәге сайтта гариза тутырырга кирәк: https://rezervrt.ru/ 2025 елның 10 мартына кадәр.
Әгәр сиңа 16 яшьтән 35 яшькә кадәр икән, юнәлешне сайла һәм эш ит:
— "Яңасын булдырам" - үз проектын эшләтеп җибәрергә яки республика Яшьләр инициативаларының бер өлеше булырга теләүчеләр өчен.
— "Мөмкинлекләрне масштаблыйм" - яшьләр проектларын үстерү белән шөгыльләнүчеләр һәм үз командасын яңа дәрәҗәгә чыгарырга теләүчеләр өчен.
Тулырак төркемдә vk.com/rezervrt («Кадрлар резервы»Республика проекты)
Кадрлар резервының 16 нчы сезоны синең катнашуыңны көтә - гариза бир!
Республиканың азык-төлек иминлеген булдыруга хуҗалык итүнең кече формалары да зур өлеш кертә. 2024 елда алар тарафыннан 142 млрд сумлык авыл хуҗалыгы продукциясе җитештерелгән, 2023 елга карата үсеш 11% ка. Шул ук вакытта аларның чагыштырма авырлыгы гомуми күләмнән 44% тан 42% ка кадәр кимеде.
Бу шәхси ярдәмче хуҗалыклар буенча да, фермер хуҗалыклары буенча да терлекләрнең баш саны кимүгә бәйле. Электрон хуҗалык кенәгәсеннән алынган мәгълүматларга караганда, шәхси хуҗалыкларда сыерлар саны 86,7 мең баш тәшкил итә, бер елда 8,8 мең башка кимегән.
Әлеге вәзгыятьне хәл итү өчен Татарстан Республикасы Рәисе Рөстәм Нургали улы Миңнеханов шәхси ярдәмче хуҗалыкларга ярдәм итүнең өстәмә чаралары турында Карар кабул итте.
2025 елда илебез Җиңү юбилеен билгеләп үтәчәк, һәм без бу датаның әһәмиятен ассызыкларга ярдәм итә торган проектны эшләтеп җибәрәбез. Без 9 яшьтән башлап катнашучыларны гаилә архивларын тикшерергә, архив фотосурәтләрен җыярга һәм сугыш чорын һәм сугыштан соң илне торгызуны кичергән туганнарының каһарманлыклары турында сөйләргә чакырабыз.
Катнашучылар вконтакте платформасында #детивойны80 хештегы астында бастырылачак патриотик контент авторлары булачак. Үткәннәрне искә алу - патриотик һәм рухи тәрбиянең мөһим чыганагы, һәм безнең проект балачагы моңарчы күрелмәгән сынаулар шартларында узган сугыш балаларына хөрмәт күрсәтүне максат итеп куя.