ЯҢАЛЫКЛАР
Барлык райондашларны Татарстан Республикасы Конституциясе көне белән котлыйм.
Татарстан Конституциясе – күпмилләтле халкыбыз сайлап алган сәяси юлны билгеләгән төп канун. Республикабыз Конституциясе кешенең хокукларын һәм ирекләрен беркетте, һәр гражданга үзенең сәләтләрен тормышка ашыру, дәүләт һәм җәмгыять эшләре белән идарә итүдә катнашу өчен реаль мөмкинлекләр бирде. Дәүләтчелекне ныгытуда, татар теленең һәм мәдәниятенең тергезелүендә Конституциянең роле бәяләп бетергесез.
5 ноябрь көнне Сарман районы мәдәният йортында Халыклар бердәмлеге көненә, Татарстан Республикасы Конституциясе көненә һәм Россиядә Гаилә елына багышланган «Туган ягым моңнары» - «туган як моңнары» дигән концерт булды. Сарман муниципаль районы башлыгы Фәрит Мөнәвир улы Хөснуллин тамашачыларны бәйрәмнәр белән котлады.
Сарман муниципаль районы башлыгы Фәрит Мөнәвир улы Хөснуллин Айрат Минәсхәт улы Бакиров һәм аның гаиләсе белән очрашты. Айрат Минасхәт улы Сарман үзәк район хастаханәсендә табиб булып эшли, ләкин йөрәге кушуы буенча СВО зонасында илебезне яклый. Чәй эчкәндә Фәрит Мөнәвир улы һәм Айрат Минасхәт улы дулкынландыргыч мәсьәләләр турында сөйләштеләр, ярдәм чаралары турында фикер алыштылар.
Федераль салым хезмәтенең Татарстан Республикасы буенча идарәсе җитәкчесе Марат Сафиуллин 2024 елның 5 ноябрендә Татарстан Республикасы Министрлар Кабинетында оештырылган брифингта физик затларның милек салымнарын түләүләре турында сөйләде.
Халыклар бердәмлеге көне һәм Татарстан Республикасы Конституциясе көне, Гаилә елы кысаларында Сарман муниципаль районы Башлыгы Фәрит Мөнәвирович Хөснуллин Галинур һәм Зәмфирә Сөләймановларны, Фәнүс һәм Гөлфая Галимуллиннарны, Иршат һәм Лия Миргалимовларны Алтын туйлары белән, Альберт һәм Нурсинә Хәйруллиннарны Зөбәрҗәт туйлары белән котлады. Юбилярларга Башкарма комитеты җитәкчесе урынбасары, районның Хатын-кызлар Советы рәисе Индира Сәхипова, ГХАТ бүлеге җитәкчесе Гөлчәчәк Вәлишина, ветераннар Советы рәисе Асыляр Харисов, Сарман авыл җирлеге башкарма комитеты җитәкчесе Лилия Шәрипова туганнары һәм якыннары үзләренең изге теләкләрен җиткерделәр.
Бүген дүртенче чакырылыш муниципаль район Советының чираттагы утырышы булды. Утырышны муниципаль район Советы Рәисе Фәрит Мөнәвир улы Хөснуллин алып барды.
Утырыш эшендә Сарман муниципаль районы Советы депутатлары, район суды рәисе, район учреждениеләре һәм предприятиеләре җитәкчеләре, массакүләм мәгълүмат чаралары вәкилләре катнашты.
Халыклар бердәмлеге көне алдыннан Яңа Имән авылында яшәүче Гайфетдинов Рафис Шайхразый улы һәм Мөзәккирә Мәхмүт кызы бергә тормыш коруларының 50 еллык түгәрәк даталарын билгеләп үттеләр. Рафис абый белән Мөзәккирә апа матур тормыш юлы үтеп, 2 кыз тәрбияләп үстерделәр. Бүген алар кадерле әти-әни, сөекле әби-бабай булып балалары, онык-оныкчыклары белән гөрләшеп яшиләр. Истәлекле көннәре белән Гайфетдиновлар гаиләсен Яңа Имән авыл җирлеге сәркатибе Хисамова Л.А. тәбрикләде.
1 һәм 2 ноябрь көннәрендә Азнакай шәһәрендә Халыкара категорияле хөкемдар Аиб Абдрашитов Зиннур Зәйнетдин улы истәлегенә багышланган бокс турниры булып узды. Ярышларда Татарстан, Башкортстан һәм Оренбург өлкәсенең 12 шәһәр һәм бистәсеннән 146 спортчы катнашты. "Спорт мәктәбе-2" спортчылары бик яхшы нәтиҗәләр күрсәттеләр. "Җәлил гимназиясе"нең 4 нче Б сыйныфы укучысы Гафуров Айдарны котлыйбыз! Алга таба да уңышлар телибез!
Барлык райондашларны Халыклар бердәмлеге көне белән котлыйм! Бу истәлекле дата илебез һәм республикабыз тарихында зур урын алып тора.
Бердәмлектә көч, ди халык. Бердәм булып, бер-беребезгә авыр чакта ярдәм кулы сузсак, төрле дин, милләт вәкилләренең яшәешенә, гореф-гадәтләренә ихтирам белән карый белсәк, шул чагында без – көчле һәм хөрмәткә лаек халык.
Районыбыз халкы үзенең хезмәт сөючәнлеге һәм тырышлыгы белән күпмилләтле Татарстанның, Россиянең үсешенә лаеклы өлеш кертә. Кайсы гына өлкәне алсак та, райондашларыбызның матур хезмәт нәтиҗәләре бихисап.
Хөрмәтле райондашлар! Сезгә республикабызны, районыбызны үстерүгә-ныгытуга керткән лаеклы өлешегез, фидакарь хезмәтегез өчен олы рәхмәтемне җиткерәм.
Хезмәт уңышлары, гаилә тигезлеге, бәхетле тормыш телим. Иң мөһиме -сау-сәламәт булыйк, дөньялар тыныч булсын.
Бүген Игәнә-Баш авылында реконструкциядән соң «Мәһсүмҗан»чишмәсе ачылды. Чарада Сарман муниципаль районы Башлыгы Фәрит Мөнәвир улы Хөснуллин катнашты, әлеге изге эшкә өлеш керткәннәрнең барысына да рәхмәт белдерде.