ЯҢАЛЫКЛАР
Сарман авылында яшәүче Һадиуллин Нил Хафиз улына бүген 90 яшь тулды. Олуг юбилее белән ветеранны район башлыгы Фәрит Хөснуллин тәбрикләде, изге теләкләрен җиткереп, Рәсәй Президенты Владимир Путинның Котлау открыткасын, истәлек бүләкләре тапшырды. Районның социаль яклау бүлеге начальнигы Лилия Гыйльметдинова, «Шәфкать» үзәге директоры Гөлнара Хуҗина, Сарман авыл җирлеге башкарма комитеты җитәкчесе Николай Сахуриев, балалары, оныклары да юбилярга сихәт гомер, киләчәктә дә кадер-хөрмәт теләделәр.
Нил абыйның акыл-зиһене, хәтере искитмәле. Балачакларын, яшьлеген, хезмәт көненең һәр мизгелен яхшы истә калдырган. Хәрби хезмәт үткәндә, маршаллар Ворошилов һәм Тимошенко белән шәхсән очрашкан ул. Ил-көннәргә тынычлык, яшьләргә ныклык тели Нил абый.
Бүген Сарман районында традицион кышкы балык тоту фестивале узды.
Фестивальдә катнашучылар иртәндән Сарман авылында Минзәлә елгасы плотинасына җыелдылар, ул очраклы гына сайланмады - матур урын һәм, белгечләр фикеренчә, плотинаның балыгы күп булырга тиеш. Балык тотарга яратучылар да аз түгел иде.
Барысының да кәефе күтәренке иде, һәм кечкенә булсын, барлык катнашучылар да ярышларга кыю кушылдылар. Ә алар берничә номинация буенча үтте: "иң зур тоту", "иң кечкенә балык", "иң зур балык".
Чарада район башлыгы Фәрит Хөснуллин катнашты, актив катнашканнары өчен барысына да рәхмәт белдерде һәм истәлекле бүләкләр тапшырды.
Менә инде күп еллар дәвамында Җәлил бистәсенең мәктәп командалары ел саен үткәрелә торган "стройда булырга бар"хәрби-патриотик конкурсында җиңүче исеме өчен көрәшәләр.
18 февраль көнне, бистәнең Мәдәният сараенда балалар янә сафта атуда, автомат җыюда һәм сүтүдә, ату һәм физик әзерлектә, ЛЗК киюдә һәм озынлыкка сикерүдә үзләренең осталыкларын күрсәттеләр. Мәктәп укучыларының, бию төркеменең чыгышлары бәйрәм атмосферасын уятты.
Безнең мәктәп командасы "Самая боевая команда" номинациясендә грамота белән бүләкләнде, ә Сәлимов Илнур "АК-74не сүтү һәм җыю буенча иң яхшы команда" номинациясендә иң яхшысы булды.
Без сезнең белән горурланабыз, егетләр
Сез-иң яхшылар!!!!
14-19 февраль көннәрендә Җәлил беренче санлы мәктәбендә герой-шагыйрь Муса Җәлил һәм татар халкының легендасы Илһам Шакиров истәлегенә багышланган акция узды. Акция кысаларында мәктәптә тематик күргәзмә оештырылды, музыка дәресләре Илһам Шакировның иҗатына һәм тормышына багышланган иде, әдәбият дәресләрендә балалар бөек шагыйрь М.Җәлилнең шигырьләрен укыдылар.
18нче февраль көнне Җәлил мәдәният сарае сәхнәсендә “Сафка басарга әзер!” традицион хәрби-патриотик уены узды.“Җәлил гимназиясе”н көчле рухлы, батыр һәм кыю егетләр командасы тәкъдим итте. Барлык хис-кичерешләрне сүз беләнгенә тасвирлап бетереп булмый! Бөтен көчләрен куеп, балалар үзләренең чын оешкан, бердәм команда булуын исбатладылар. Аларның һәркайсының җайга салынган эше -үз нәтиҗәләрен бирде. Мактаулы беренче урын һәм күчмә КУБОК - “Җәлил гимназиясе”ндә! Сезгә бары тик сәламәтлек һәм яңадан-яңа уңышлар гына телибез!
2022нче елның 17-19нче февралендә "Җәлил гимназиясе"ндә 3-11нче сыйныф укучылары арасында "Just a dictation" дигән гомуммәктәп диктанты уза. Диктант укучыларның язмача коммуникатив компетенция күнекмәләрен камилләштерү максатларында үткәрелде. Диктант нәтиҗәләре буенча типик хаталарга анализ ясалачак һәм чит телләр укытучыларының РМО утырышында аларны бетерү буенча киләчәк эш стратегиясен эшләячәкләр.
18нче февраль көнне башлангыч сыйныф укучылары арасында цифрлаштыру елына багышланган рәсем конкурсының мәктәп туры узды. Җиңүчеләр гимназияне 22нче февральдә Сарманда узачак муниципаль этапта тәкъдим итәчәкләр. Аларга уңышлар телибез!
2022 елның 1 февралендә экологик технологияләр өлкәсендә «ЭКОТЕХ-ЛИДЕР 2022» милли премиясенең конкурс чаралары башланды. Премия экология һәм табигатьтән файдалану өлкәсендә нәтиҗәле технологияләр эшләү, гамәлгә кертү һәм алга этәрү өлкәсендәге казанышлары өчен тапшырыла.
Бүген мәгариф, мәдәният, спорт объектлары җитәкчеләре белән объектларның террорчылыкка каршы якланышы өлкәсендә һөнәри әзерлек дәрәҗәсен күтәрү буенча киңәшмә узды.