ЯҢАЛЫКЛАР
«Без коррупциясез дөнья өчен».Әңгәмә
2020 елның 14 декабренә планлаштырылган Гомумроссия гражданнарны кабул итү көне COVID-19 инфекциясенең югары куркынычы белән бәйле эпидемиологик хәлнең катлаулануы сәбәпле күчерелә.
Гражданнарны кабул итү датасын күчерү турында карар Россия Федерациясе Хөкүмәте тәкъдиме нигезендә кабул ителде.
Чираттагы гражданнарны кабул итү көне турында өстәмә хәбәр ителәчәк.
Шәйхлисламов Мөҗәһит Шәйхлислам улы 1925 елның 7 декабрендә Кәүҗияк авылында туа. 1943 елның 5 гыйнварында унҗиде яшьлек егет фронтка китә. Киров станциясендә укулар да була. Август аенда Украин фронтына күчерелә. Ростов юнәлешендә 146нчы укчы полкында рядовой пулеметчик булып хезмәт итә. 1943 елның сентябрендә Сталинградны алганда яралана. Яраланганнан соң Ростов шәһәреннән Бакуга госпитальгә озатыла һәм 2 нче төркем инвалид булып демобилизацияләнә. Шуннан бирле «Коммунизм»колхозында эшли. Бөек Җиңү медале, 1996 елда Жуков медале, СССР Кораллы көчләренең 70 еллыгы медале, В.и. Ленинның тууына 100 ел тулу медале, Хезмәт батырлыгы медале белән бүләкләнгән. Тормыш иптәше Әминә белән 5 бала тәрбияләп үстергәннәр (1995 елда вафат булган). 10 оныгы һәм 8 оныкчыгы бар. Хәзерге вакытта Кәүҗияк авылында кызы белән яши. Җәй көне яраткан эше - умартачылык белән шөгыльләнә.
2020 елның 8 декабренә
7 декабрь 18 сәгатьтән 8 декабрь 18 сәгатькә кадәр
Түбән Ләшәү авылында яшәүче тыл ветераны Валеев Миннегали Фәхразиевич 90 яшьлек юбилеен билгеләп үтте. Юбилярны район башлыгы урынбасары Гүзәл Гәрәева котлады. Ул Россия Президенты Владимир Путинның котлау открыткасын, район башлыгы Фәрит Хөснуллин исеменнән истәлекле бүләк тапшырды. Район социаль яклау бүлеге җитәкчесе Лилия Гыйльметдинова, "Шәфкать" халыкка социаль хезмәт күрсәтү комплекслы үзәге” мөдире Гөлнара Хуҗина, Ләшәү-Тамак авыл җирлеге башлыгы Илфат Хабибуллин котлауларга кушылдылар, ветеранга сәламәт булып якыннарының кадер-хөрмәтендә яшәвен теләделәр.
Бүген без укучыларыбызның уңышларына шатланабыз! Җәлил беренче мәктәбенең 11б сыйныф укучысы Нигъмәтуллина Аделина, укытучысы Ягудина З.Ф., Татарстан Республикасында Хокук һәм сайлау процессы буенча мәктәп укучыларының Бөтенроссия олимпиадасының региональ сайлап алу этабы призеры булды. Укучыларыбызның уңышлары белән горурланабыз һәм яңа уңышлар телибез!
Күптән көтелгән чара узган җомгада, 4нче декабрьдә Җәлил гимназиясендә үтте. Иң яшь укучыларны, беренче сыйныф укучыларын гимназиягә багышладылар. Яшь гимназистларны котлыйбыз һәм аларга уңышлар һәм бәхет телибез!
Мөмкинлекләре чикле кешеләргә толерант мөнәсәбәт тәрбияләү максатыннан 3 нче декабрь көнне безнең гимназиядә Халыкара инвалидлар көненә багышланган "Яхшылык бүләк ит" акциясе үткәрелде. "Яңа хәрәкәт" ШУС активистлары балаларга татлы сыйлар тапшырдылар һәм аерым кешеләр турында кайгырту кирәклеге турында искә төшерделәр.
Бүгенге көндә законда билгеләнгән «коррупция» төшенчәсенең төгәл билгеләмәсе бар. Кече яшьтән үк балалар коррупциянең начар булуын аңларга тиеш, шуңа күрә мәктәпләрдә Халыкара коррупциягә каршы көрәш көненә багышланган чаралар үткәрелә.
Шул уңайдан Азалак мәктәбендә коррупциягә каршы юнәлдерелгән класс сәгатьләре, рәсем һәм «Нәрсә ул коррупция?» темасына инша конкурсы үткәрелде.
Шулай итеп, балалар коррупциянең җәмгыятьне җимерүче күренеш булуын аңладылар.
1-2 декабрьдә Казан шәһәренең IT-паркында " Безнең Татарстан. Мөмкинлекләр территориясе"дигән темага семинар узды.Җәлил 1 нче санлы мәктәбе укучылары Яббарова Диана һәм Вәлиәхмәтова Карина "Яшьләр вакыты" яшьләр проекты акциясендә беренче урын алганнар, форумга бик теләп кушылдылар. Кызлар бик күп мастер-классларда булдылар , кызыклы лекцияләр тыңладылар һәм танылган шәхесләр үткәргән дискуссияләрдә катнаштылар.