ЯҢАЛЫКЛАР
Сәнгать мәктәбе укучылары Яңа ел һөнәрләрен ясадылар. Табигый материал һөнәрчелек өчен кулланылган. Бу эш кызыклы, мавыктыргыч эшкә әверелде, иҗади мөмкинлекләр үсешенә уңай йогынты ясады, балалар фантазиясе өчен зур ирек бирде.
2022 елның 19 декабрендә Сарман балалар сәнгать мәктәбендә.И. г. Шакирова "акциясе кысаларында"Кыш Бабай остаханәсе" ндә Яңа ел эшләнмәләре ясау оештырылды. Сәнгать мәктәбе укучылары Яңа ел бүләкләре һәм Раштуа чыршысы бизәнү әйберләре ясадылар. Сәнгать мәктәбе укучылары күпме фантазия күрсәттеләр! Эшләр төрле, якты килеп чыкты. "Кыш Бабай остаханәсе" ндә эшләү кызыклы, мавыктыргыч эшкә әверелде.
Каникуллар - балалар тормышының иң мөһим өлешләренең берсе булып тора. Җәлил бистәсенең 3 нче санлы “ Алёнушка” балалар бакчасында тәрбияләнүче балалар Яңа ел каникулларын бик кызыклы итеп үткәрделәр: әти-әниләре белән бергә Мәдәният сараенда урнашкан Кыш бабай резиденциясендә, кинотеатрда булдылар, тимераякта шудылар, Җәлил бистәсе мәдәният йорты каршындагы мәйданда ураншкан кышкы шәһәрчектә йөрделәр. Поселокта үткәрелгән Яңа ел бәйрәмнәре һәм кышкы каникуллар безнең тәрбияләнүчеләребезнең хәтерендә озак сакланыр.
Яңа ел - ул иң көтеп алынган һәм искиткеч бәйрәм. Аны тылсымлы, серле, гаҗәеп, кабатланмас, сокландыргыч дип атыйлар. Яңа ел төнендә без барлык теләкләрнең, чираттагы могҗизаның, якты әкиятнең, яңа бәхетнең чынга ашуын көтәбез. 29 һәм 30 декабрь көнне Карашай -Саклау мәдәният йортларында «Яңа ел могҗизасы»дип исемләнгән чаралар булып узды. Авыл мәдәният йорты сәхнәсендә барысын да матур итеп бизәлгән Яңа ел чыршысы көтте . Мәдәният хезмәткәрләре бәйрәм кичәсенең кызыклы һәм бай эчтәлекле театральләштерелгән программасын әзерләгәннәр. Карашай-Саклау авыл җирлеге башлыгы Хөсниева В.В. барлык җыелучыларны Яңа ел белән котлады, аларга исәнлек-саулык, эшләрендә, гаилә тормышында уңышлар, шәхси эшләрендә уңышлар теләде. Кыш бабай белән Кар кызы барысына да шатлык алып килгәч, чын-чынлап күңел ачу башланды. Кыш бабай белән Кар Кызы бик күп яңа ел бәйгеләре, күңелле уеннар үткәрделәр. Җиңүчеләрне призлар көтте. Кичә сюрпризлар һәм онытылмаслык биюләр белән тулы иде. Күңелле музыка , әкият геройларының чыгышы, Кыш Бабай һәм Кар кызы котлауларын бәйрәмдә катнашучыларның барысына да тулы бер ел буена дәрт һәм энергия өләштеләр. Яңа ел бәйрәме барлык катнашучыларга да әкияти Тылсым, күңел ачу һәм шатлык хисләре бүләк итте. Барлык начарлыклар да узып баручы елда калсын, e барысы да яхшы, изгелекле һем якты япа елга аяк бассын.
Буш вакытларының һәр минутын күңелле һәм файдалы үткәрергә теләүче балалар өчен, кышкы каникул чорында “Чүлмәкче әкияте” дип исемләнгән мастер-класс үткәрелде. Балалар чыршы уенчыкларына һәм открыткаларга багышланган күргәзмә белән таныштылар. Элегрәк котлауларны смс язып түгел, ә почта бүлекләре аша махсус котлау открыткаларына тутырып җибәрүләре турында белделәр. Барлык туганнарга, дусларга һәм якыннарыбызга открыткалар җибәрә идек бит. Моның өчен иң матур рәсемле открыткалар сайлап алына иде. Аларны соңыннан әле озак вакыт күңелгә кадерле истәлек итеп саклаганнар. Шөгыль барышында кызыл балчыктан рәхәтләнеп төрле хайваннар, кәрзиннәр ясадылар һәм үзләрен чүлмәк ясау эшенең чын осталары итеп хис иттеләр. Иң мөһиме, бу һөнәр турында бик күп яңалыклар белделәр.
Милли мәдәни традицияләрне саклау һәм үстерү, милли көрәшне популярлаштыру максатында «Манзара»спорт һәм музыка премиясен тапшыру тантанасын уздыру күркәм традициягә әверелде.
Җәлил гимназиясе укучыларының кышкы каникуллары күңелле узды. Балалар сыйныф җитәкчеләре белән бергә кинотеатрга йөрделәр, тимераякта шудылар, Җәлил мәдәният йорты каршындагы мәйданда кышкы шәһәрчектә йөрделәр. Каникуллар искиткеч үтте.
Бүген район башлыгы Фәрит Хөснуллин гражданнарны кабул итте.
Кабул итүгә Башкарма комитет, район оешмалары бүлекләре урынбасарлары һәм белгечләре чакырылган иде. Алдан кабул итүгә язылучылар үзләрен кызыксындырган сорауларга җаваплар ала алдылар.
Кабул итү атна саен сишәмбе көнне 14.00 сәгатьтә алып барыла, алдан язылу өчен телефон: 2-42-75.
3 нче гыйнварьдан 8 нче гыйнварьга кадәр «Сарман» кинотеатрында, кышкы каникулда ял итүче балалар өчен, төрле мультфильмнар күрсәтелде.
Яңа ел ялларында Җәлил бистәсенең 7 нче санлы "Ләйсән" балалар бакчасына йөрүче балалар Мәдәният йортында урнашкан Кыш бабай резиденциясендә булдылар.