ЯҢАЛЫКЛАР
Бүген, 2026 елның 15 февралендә, татар халкының күренекле улы, Советлар Союзы Герое, исеме татар әдәбияты һәм хәрби эш тарихына алтын хәрефләр белән язылган Муса Җәлилнең тууына 120 ел тула. Аның шундый фаҗигале рәвештә өзелгән тормышы батырлык, какшамас ихтыяр һәм Ватанга карата ихлас мәхәббәтнең якты үрнәгенә әверелде. Бөек Ватан сугышы бөтен совет халкы өчен авыр сынау була, һәм Муса Җәлил, чын патриот буларак, читтә кала алмый. Сугышларның берсендә ул каты яралана һәм әсирлеккә эләгә. Муса Җәлил фашист төрмәләрендә, Моабит концлагерендә үзенең иң атаклы әсәрләрен – «Моабит дәфтәрләре»шигырьләр циклын иҗат итә. Гаҗәеп рух көче һәм ныклыгы шагыйрьгә, кешелексез шартларга карамастан, иҗат итүен дәвам итәргә мөмкинлек бирә. Аның кәгазь кисәкләренә язылган шигырьләре яшертен генә иптәшләренә тапшырыла, алар өчен илһам һәм Өмет чыганагы була. Бу юлларда – югалту болнүе, каршылык күрсәтү батырлыгы, җиңүгә ышаныч һәм туган җиргә булган тирән мәхәббәт. Муса Җәлил 1944 елда җәзалап үтерелә, әмма аның шигъри мирасы, яңа буыннарны рухландырып, яшәвен дәвам итә.
Бүген татар халкының бөек улы, Россиянең һәм Татарстанның халык артисты, күренекле якташыбыз, Сарман районының Мактаулы гражданины, татар халкының рухи чагылышына әверелгән Илһам ага тууына 91 ел. Ул татар җыр сәнгатенең тулы бер чорын гәүдәләндергән, гасырлар буена туган бөек халык җырчысы иде. Илһам агайның халыкның рухи идеалларын күңеленнән кабул итеп, үз йөрәге аша үткәргән җырлары халык күңеле өчен элексир булды. Шуңа күрә халык аны хөрмәт иткән һәм яраткан. Илһам ага җырларында үскән буын-бәхетле буын. Бөек артистның музыкаль иҗатының Сарман төбәгеннән башлануы бездә аеруча горурлык уята.
Ватаннан читтә хезмәт бурычын үтәүче россиялеләрне искә алу көне алдыннан Сарман муниципаль районы Башлыгы Фәрит Мөнәвир улы Хөснуллин, Башкарма комитет җитәкчесенең социаль мәсьәләләр буенча урынбасары Индира Рәис кызы Сәхипова, авыл җирлекләре башлыклары Әфган җирендә башларын салган, туган якларына әйләнеп кайта алмаган якыннары янына бардылар.
15 февральдә Совет гаскәрләрен Әфганстаннан чыгаруга 37 ел тула. Сугышчы-интернационалистларны искә алу көне уңаеннан бүген районның үзәк ял паркында тантаналы чара узды. Анда катнашучыларны Сарман муниципаль районы башлыгы Фәрит Мөнәвир улы Хөснуллин, Сарман һәм Мөслим районнары буенча хәрби комиссар Дашгын Гаджи улы Гасанов котладылар. Аларның сүзләренә райондагы әфганчылар берләшмәсе җитәкчесе Багзар Әхтәм улы Фазлыев та кушылды һәм сугышчы-интернационалистларга Рәхмәт хатлары тапшырды. «Сугышчан туганлык»оешмасы бүлекчәләре җитәкчеләре дә чыгыш ясады. Әфганстандагы сугыш ветераннары районда махсус хәрби операция зонасына җибәрү өчен генератор сатып алганнар. Моның өчен аларга гуманитар ярдәм җыю һәм китерү буенча иң актив волонтерларның берсе – Яңа Имән авыл җирлеге башлыгы Рөстәм Фәрит улы Гәрәев чын күңелдән рәхмәт белдерде. Бер минут тынлыктан соң һәлак булган сугышчылар истәлегенә мемориалга чәчәкләр һәм веноклар салынды.
11 февраль көнне, Илексаз мәктәбендә, тугызынчы сыйныф укучыларының рус теле буенча йомгаклау әңгәмәсе узды.
МБББУ" Илексаз төп гомуми белем бирү мәктәбендә тәрбия буенча директор киңәшчесе Р.Л. Шәмсетдинова һәм сыйныф җитәкчеләре җитәкчелегендә Ватаннан читтә хезмәт бурычын үтәүче россиялеләрне искә алу көненә багышланган күңелгә үтеп керерлек һәм мөһим батырлык дәресе узды.
Директорның тәрбия эшләре буенча киңәшчесе Габдрахманова Э. Ш. һәм башлангыч сыйныф укытучысы Бадртдинова И. И. кызыклы чара оештырдылар. Презентация карау барышында укучылар Пенза өлкәсенең символлары һәм традицияләре белән таныштылар.
15 февраль - Россиядә Ватаннан читтә хезмәт бурычын үтәгән россиялеләрне искә алу көне билгеләп үтелә. 2010 елда бу дата рәсми рәвештә Ватаннан читтә хезмәт бурычын үтәгән россиялеләрне искә алу көне булды.
.
Бүген, совет гаскәрләренең Әфганстаннан чыгарылуына 37 ел тулу уңаеннан, “2 нче номерлы Җәлил урта гомуми белем бирү мәктәбендә” әлеге истәлекле көнгә багышланган традицион митинг узды.
Якташларыбызны искә алырга һәм хөрмәт күрсәтергә безнең авылда яшәүче сугыш ветераннары килделәр. Шулай ук "Җәлил" муниципаль берәмлеге башлыгы Р.А. Кәримов, директорның тәрбия эшләре буенча урынбасары Л.А. Галиева, башкарма комитетның хәрби-хисап өстәле белгече һәм мәктәп укучылары катнашты.
Бу көнне мәктәптә шулай ук "ЮНАРМИЯ" Бөтенроссия балалар-яшүсмерләр хәрби-патриотик иҗтимагый хәрәкәте сафларына белем алучыларны багышлау тантанасы узды. 6 нчы сыйныф укучылары юнармиячеләр сафына алынды.
Митинг Сугышчан Дан аллеясындагы мемориаль такталарга һәм Дан монументына чәчәкләр салу белән тәмамланды. Тантанада катнашучылар һәлак булган солдатларны бер минут тынлык белән искә алдылар. Рәсми өлештән соң матәм чәчәкләре сугыштан кайтмаган һәм тыныч вакытта вафат булган сугышчы-интернационалистлар каберләренә куела.
15 февраль - бөек татар шагыйре һәм Советлар Союзы Герое Муса Җәлил исемен хөрмәт итүчеләр өчен үзенчәлекле көн. Аның тууына 120 ел тулу уңаеннан, 13 февраль көнне"Җәлилнефть" НГДУ мәйданында митинг узды.
Каһарман- шагыйрь һәйкәле янында тантаналы сак куелды. Чарада район һәм поселок җитәкчелеге, нефтьчеләр, укытучылар һәм мәктәп укучылары катнашты.
Митингта катнашучылар каршында Сарман районы башкарма комитеты җитәкчесе Вәлиев Фәндәс Әнәсович һәм "Җәлил бистәсе" муниципаль берәмлеге башлыгы Кәримов Рәфыйк Азгамович чыгыш ясадылар. Алар Муса Җәлилнең батырлыклары истәлеген саклап калу мөһимлеген, шулай ук аның батырлыгы үлемсез "Моабит дәфтәрләрендә" генә түгел, ә безнең бистәнең үзендә дә мәңгеләштерелгән булуын ассызыкладылар.
Митингта катнашучылар Муса Җәлилнең үлемсез батырлыгын хөрмәт итеп,.бер минут тынлык белән искә алдылар һәм һәйкәлгә чәчәкләр салдылар.
Муса Җәлил исеме һәр татар кешесенә, һәр мәктәп баласына яхшы таныш. Ул халык йөрәгендә Ватанга тугрылык, үлемсезлек, батырлык һәм каһарманлык символына әверелде. 13 нче февральдә "Җәлил гимназиясе" ндә Советлар Союзы герое, Ленин премиясе лауреаты Муса Җәлилнең тууына 120 ел тулуга багышланган "Батыр геройга дан" исемле районкүләм шигырь укучылар бәйгесе узды.