ЯҢАЛЫКЛАР

Бүген «Бердәм РОССИЯ» Бөтенроссия сәяси партиясе оешуга егерме өч ел тулу уңаеннан гражданнарны кабул итү ункөнлеге кысаларында VIII чакырылыш Россия Федерациясе Федераль Собраниесе Дәүләт Думасы депутаты Руслан Гаджиев партиянең Сарман җирле бүлекчәсендә гражданнарны кабул итте. Кабул итү барышында депутатка коммуналь инфраструктураны модернизацияләүнең федераль яисә төбәк программасына кертүдә ярдәм итү, авыл җирлекләрендә су белән тәэмин итү челтәрләрен һәм автомобиль юлларын ремонтлау турында сораулар килде.

Барлык мөрәҗәгатьләр дә депутат тарафыннан эшкә алынды, консультацияләр бирелде. Депутат тиешле инстанцияләргә депутат запрослары җибәрәчәк һәм мөмкин булган барлык ярдәм күрсәтеләчәк.

Сарман муниципаль районы Башлыгы Фәрит Мөнәвир улы Хөснуллин СВО зонасындагы хәрбиләребез янына баруын дәвам итә. Балалар аны үзләренең көнкүреше, яшәү шартлары белән таныштырдылар. Фәрит Мөнәвир улы һәркемгә районнан, аларның туганнарыннан, якыннарыннан, битараф булмаган якташларыннан, эшмәкәрләрдән, фермерлардан посылкалар тапшырды.

Балаларыбызга үз өлешләрен керткәннәрнең барысына да зур рәхмәт!

3 нче декабрьдә Азнакай шәһәренең 2 нче "Теремок" балалар бакчасы базасында "Билингваль белем бирүдә уен технологияләре һәм алымнары" дип аталган региональ семинар- практикум узды. Семинар педагогик фәннәр кандидаты, доцент  УМК ның "Татарча сөйләшәбез", «Балалар бакчасында рус балаларына татар теле өйрәтү»  программалары авторы Зарипова Зифа Мирхатовна, Кидрячева Раушания Гайнулловна җитәкчелегендә  Азнакай, Бөгелмә, Сарман районнары, Казан, Яр Чаллы шәһәрләре педагоглары катнаштында узды. Бу семинарда Җәлил бистәсенең 3 нче “Аленушка” балалар бакчасы педагоглары да актив катнаштылар - УМК буенча үзләренең авторлык уеннарын тәкъдим иттеләр.

Бүген  "Морад Рәмзи исемендәге Әлмәт урта гомуми белем бирү мәктәбе"ндә  «Законнар һәм хокук» исемле интеллектуаль уен үтте.

Инвалидлар декадасы унаеннан башлангыч сыйныф укучылары китапханэгэ экскурсиядэ булдылар. Валентин Катаевнын "Цветок- семицветик" экиятенэ нигезлэнеп эшлэнгэн мультфильм карадылар. Соныннан мультфильмнын эчтэлеге буенча сорауларга жавап бирделэр, Женяга кинэшлэр бирделэр, төсле кэгазьдэн тылсымлы чэчэк ясадылар. Телэклэр тормышка ашсын өчен тырышырга, узенэ коч куярга , яхшылыклар эшлэргэ кирэк дигэн нэтижэгэ килделэр.

Бүген районыбызның 113 чыгарылыш сыйныф укучысы йомгаклау иншасы яза. Бу мәҗбүри һәм БДИга керү шарты булып тора.

2024 елның 27нче  ноябрләрендә Сарман гимназиясендә математикадан олимпиада узды. Анда 27 укучы катнашты.

3 декабрь көнне Сарман урта мәктәбендә Халыкара коррупциягә каршы көрәш көненә багышланган «Коррупциясез дөнья» конкурсының мини-проектларын яклау булды. Конкурсның максаты-коррупциягә каршы җәмәгатьчелек фикерен һәм коррупциягә карата түземсезлек формалаштыру, җәмгыятьне коррупциягә каршы сәясәтне гамәлгә ашыруга җәлеп итү.

Мәктәбебездә «Күңелле сәхнә» түгәрәге эшләп килә. Түгәрәк эшчәнлеге милли традицияләрне укучыларга җиткерүдә зур роль уйный, укучыларның сәләтләрен ачарга, уй-хыялларын үстерергә мөмкинлек бирә, матурлыкны күрә белергә өйрәтә. Түгәрәктә сәхнә теле, сәнгатьлелек, иҗадилык, бәйләнешле сөйләм үстерү игътибар үзәгендә. Бүген укучыларыбыз мәктәпкәчә яшьтәге балалар төркемендә "Адымнар нык булсын!" дип аталган чара күрсәттеләр. Балаларга юлларда үз-үзеңне тоту культурасын кечкенәдән үк сеңдерү мөһим, шуңа күрә дә кечкенә дусларыбызга әлеге чараны күрсәтүне оештырдык. Кечкенәләргә чара бик ошады. Тәрбияче апалары укучыларга эчтәлекле чара өчен рәхмәт сүзләре җиткерде. Әзерлек барышында укучыларга, сәләтләреннән, мөмкинлекләреннән чыгып, рольләр бирелде. Һәр укучы үз ролен теләп, яратып өйрәнде, оста һәм матур башкарып чыкты. Театр түгәрәге җитәкчесе Ибрагимова А.Н.га, рольләрне оста итеп башкарган башлангыч класс укучылары Мустафин Ислам, Фарлукшина Айгөл, Шайдуллина Диләрә, Мустафина Ралина, Хакимова Адиләгә зур рәхмәтебезне җиткерәбез, аларга алга таба да уңышлар теләп калабыз!

8 нче Б сыйныфы укучылары Нуртдинова Мәрьям һәм Самарова Җәмилә гарәп теле буенча төбәкара олимпиаданың сайлап алу туры призерлары булдылар.