ЯҢАЛЫКЛАР
Аязучан болытлы һава. Урыны белән яңгыр, төнлә юеш кар явып тора. Җил көньяк-көнбатыштан секундына 6-11 м, төнлә урыны белән тизлеге 14 м/с ка кадәр җитә. Төнлә һаваның минималь температурасы 0..-3˚. Көндез максималь температура +10..+13˚.
Бүген безнең балалар бакчасында база мәйданчыгы эше кысаларында "Идел буе халыкларының мәдәниятен өйрәнү" темасына семинар-практикум үтте. Практикум барышында тәрбияче Гайфуллина Р.Ә. зурлар төркемендә "Идел буе халкы вәкилләре математика илендә кунакта" дигән исем астында ачык шөгыль күрсәтте. Балалар Идел буе халыклары турында булган белемнәрен ныгыттылар, Шүрәле әзерләгән буталчыкларны җиңеп чыгап, мари кызына бәйрәмгә әзерләнергә ярдәм иттеләр.
Мәктәпкә әзерлек төркеме балалары тәрбиячеләре Сафина А.Р. белән безне "Әкияти гжель" дөньясына алып бардылар. Алар, Мәскәү өлкәсендә урнашкан Гжель авылының остазларына әверелеп, барыбызга да матур истәлекле бүләкләр әзерләп бирделәр. Шөгыль барышында балалар Идел буенда яшәүче халыкларны исләренә төшерделәр, охшаш һәм аермалы якларын ассызыклап үттеләр.
Шөгыльләрдән соң тәрбиячеләр бу өлкәдә тәҗрибә уртаклашу буенча эшлекле уен, мастер-класслар күрсәттеләр, төрле милләтнең хәрәкәтле уеннарын уйнадылар. Семинар җылы, эшлекле атмосферада узды.
Россия Эчке эшләр министрлыгының Сарман районы буенча бүлеге 18 яшьтән 55 яшькә кадәрге Россия Федерациясе гражданнарын полициягә хезмәткә чакыра.
Полициядә хезмәт итү-киләчәккә ышаныч!
Эшкә урнашу мәсьәләләре буенча Россия Эчке эшләр министрлыгының Сарман районы буенча бүлегенә түбәндәге адрес буенча мөрәҗәгать итәргә: Татарстан Республикасы, Сарман районы, Сарман авылы,Терешкова ур., 4нче йорт. Тел.: 8(85559) 2-47-51, 2-49-02, 2-47-30, 8(843) 2912-976.
Сарман муниципаль районы Башлыгы Фәрит Мөнәвир улы Хөснуллин зонадагы хәрбиләребез янына баруын дәвам итә. Фәрит Мөнәвир улы һәркемгә районнан, аларның туганнарыннан, якыннарыннан, битараф булмаган якташларыннан, эшмәкәрләрдән, фермерлардан посылкалар тапшырды.
28 апрель көнне Ләшәү-Тамак төп гомуми белем бирү мәктәбендә «Милли һәм этномәдәни белем бирү: традицияләр һәм заманча өстенлекләр» дигән Бөтенроссия фәнни-гамәли конференция булып узды. «Аленушка» балалар бакчасы тәрбияләнүчеләре бакча данын яклап зур уңышларга ирештеләр.
«Тукайны табигать турында укыйбыз» номинациясендә:
· Төхфәтуллина Динара-җиңүче.
· Мөхәммәдиева Рилана- призер.
"Тукай иҗатында табигать» номинациясендә җиңүчеләр:
Садыйков Рүзәл, Мусавирова Рамина, Гайсина Мәликә, Төхвәтуллина Динара булдылар.
Тәрбияләнүчеләрне һәм аларның остазларын югары нәтиҗәләр белән котлыйбыз! Яңа иҗади җиңүләр һәм илһам телибез!
Габдулла Тукайның 140 еллыгына һәм Туган тел көненә багышланган музыкаль-әдәби кичә «Җәлилнефть» НГТИ Хезмәт даны музеенда узды. Очрашуда мәктәп укучылары, бистәдәге балалар бакчаларында тәрбияләнүчеләр, нефть ветераннары, “Җәлил чаткылары” шигъри клубы әгъзалары катнашты. Альмира Әнәс кызы Галиәхмәтова Г.Тукайның тормышы һәм иҗаты турында тәкъдир итте. 4нче балалар бакчасында тәрбияләнүчеләр шагыйрь әсәрләре буенча театраль тамаша күрсәттеләр, аның шигырьләрен укыдылар һәм барысы өчен дә яраткан «И туган тел» җырын башкардылар. Укучылар шулай ук шигырьләр, җырлар белән чыгыш ясады. Балалар китапханәсе хезмәткәре Алия Фәйрушина шагыйрьнең иҗатын һәм тормышын тагын бер кат ачып җибәргән мавыктыргыч викторина үткәрде. Җиңүчеләр «Татнефть» хәйрия фонды нәшер иткән китаплар белән бүләкләнделәр.
Тулы хәрби-махсус әзерлек программалары буенча курсантлар тарафыннан югары хәрби-уку йортларына укырга керү өчен кандидатлар сыйфатында урта гомуми белемле Россия Федерациясе гражданнары карала:
а) хәрби хезмәт узмаган 16 яшьтән 22 яшькә кадәрге егетләр;
б) хәрби хезмәт узган гражданнар һәм чакырылыш буенча хәрби хезмәт узучы хәрби хезмәткәрләр, алар 24 яшькә җиткәнче;
в) югары уку йортларына тулы хәрби программа сус әзерлек программалары буенча укырга керүче контракт буенча хәрби хезмәт узучы хәрби хезмәткәрләр (офицерлардан тыш) алар 27 яшькә җиткәнче.
Әмма санап үтелгән категорияләрнең берсенә туры килү генә җитми. Курсант булырга теләүчеләр башка таләпләрне дә үтәргә тиеш, аерым алганда: сәламәтлеге торышы буенча хәрби уку йортына укырга керергә яраклы булырга, билгеләнгән психологик һәм психофизиологик параметрларга җавап бирергә, шулай ук гомуми белем, физик, иҗади һәм (яисә) һөнәри әзерлек дәрәҗәсен бәяләүдән торган керү сынауларын уңышлы узарга тиеш. Хәер, бүген хәрби вузда уку-офицер булуның бердәнбер ысулы түгел. Беренче офицер исемен кадр яки запастагы офицерлар программалары буенча гражданнарны әзерләүне гамәлгә ашыручы федераль дәүләт югары белем бирү оешмаларының берсе каршындагы Хәрби укыту үзәгендә (Алга таба – ВУЦ) алырга мөмкин. Югары белем бирүнең хәрби һәм гражданлык белем бирү оешмаларын тәмамлаучылар, тулаем алганда, тигез статусларга һәм карьера үсешенең тигез перспективаларына ия, әмма үз аерымлыклары да бар.
28 нче апрель көнне "Җәлил гимназиясе"нең актлар залында традицион юмор һәм иҗат бәйрәме — КВН уены булып узды, анда 5-7 нче сыйныф укучылары командалары катнашты.
"Җәлил гимназиясе" нең "Балачак" мәктәп театры Ләшәү - Тамак төп гомумбелем бирү мәктәбе базасында үткәрелгән " Милли һәм этномәдәни белем бирү: традицияләр һәм заманча өстенлекләр" Бөтенроссиякүләм фәнни- гамәли конференциясенең "Тукай иҗатында табигать" номинациясендә җиңү яулады.
"Татарстан Республикасында (Татарстан) гигиена һәм эпидемиология үзәге "ФБУЗның Әлмәт филиалы 27.04.2026 елдан 10.05.2026 елга кадәр "Кайнар ЛИНИЯ " һәм "КАЙНАР ЛИНИЯ" буенча консультацияләр үткәрә. Килеп туган сораулар буенча сез эш көннәрендә 08.00 сәгатьтән 12.00 сәгатькә кадәр; 13.00 сәгатьтән 17.00 сәгатькә кадәр телефоннар аша консультация ала аласыз: 8 (85559) 2-44-64, 8 (85558) 7-22-75.