ЯҢАЛЫКЛАР

Татарстан Республикасы муниципаль берәмлекләре арасында иң яхшы Яңа ел чарасы һәм бәйрәмчә бизәүгә республика конкурсы бара. Авыл җирлекләре арасында бәйге ике этапта алты номинация буенча үткәрелә. Беренче этап муниципаль район дәрәҗәсендә үткәрелә. Икенче этапта комиссия тиешле 5 зона төркемнәре буенча җирлекләр арасында конкурста җиңүчеләрне билгели. 

Бүген Яңа ел бизәлешен карау һәм бәяләү буенча күчмә чаралар кысаларында конкурс комиссиясе Сарман районында булды. Республика комиссиясен район Башлыгы Фәрит Хөснуллин каршы алды.

29 нчы декабрь көнне Ахметов Дамир Рәхми улы исемендәге ял паркында Яңа ел чыршысын ачу тантанасы булды.Матур итеп бизәлгән ял паркындагы тамаша күңелле уеннар,җыр,бию белән үрелеп барды.Самавардан кайнар чәй, казанда пешкән ботка  ял итәргә килгән авылдашларның,кунакларның күңеленә хуш килде.Кыш бабаай белән кар кызы да авылдашларны якынлашып килүче Яңа ел белән котлап үзләренең иң изге теләкләрен җиткезделәр.

Кышкы каникул чорында лагерьга йөрүче балалар өчен матур гореф- гадәтнең эчтәлеген чагылдырган "Каурый өмәсе" дип исемләнгән, интерактив чаралар циклын йомгаклау очрашуына бүген Әлмәт мәктәбенең беренче сыйныфы укучылары килде. Эчтәлекле экскурсиядән соң, балалар эшкә кереште. Әйтергә кирәк, балалар бик ипле, каурыйларны, сыдырган йоннарны читкә туздырмыйча гына, пөхтә итеп эшләделәр. Ә инде үзләренең нәни куллары белән ясаган майлавыч канатларын әниләренә бүләккә алып киттеләр.
"Каурый өмәсе"- гореф- гадәтләрне өйрәнү интерактив чаралар циклы, Татарстан Республикасы Хөкүмәтенең муниципаль мәдәният учреждениеләренә ярдәм итү буенча грантлар конкурсы җиңүчесе булган - «Үз илемдә-үз телемдә» проектын гамәлгә ашыру кысаларында үткәрелә.

Музеебызда туган якны өйрәнүгә багышланган, әби- бабаларыбызның көн-күрешен тасфирлаган зал бар. Татар халкының матур йоласын чагылдырган "Каурый өмәсе" исемле интерактив чара да нәкъ менә шул зал буенча экскурсиядән башланып китә. Әлеге экспозиция укучы балалар өчен иң кызыклысы дип әйтсәк тә ялгыш булмас, чөнки кайбер экспонатларны алар ишетеп тә, күреп тә белмиләр. Бүгенге көндә тормышыбызның кайсы ягын гына алсак та, безгә ярдәмгә интернет килә. Ә менә ерак үткәннәрдә  калган елларда гаджетлар гына түгел, хәтта өйләргә электр, газ, су линияләре дә сузылмаган була. Шуңа карамастан,  кешеләр үзләренең тырышлыгы һәм тапкырлыгы аркасында тормышларын җайга салып яшәгәннәр һәм  булдырган һәр әйберләренә бик сак караганнар. Бер генә нәрсә дә исраф ителмәгән, файдага кулланылган.

 Халкыбызның милли гореф-гадәтләре бихисап, аларның һәрберсе үзенчә серле, матур, олы бәйрәм итеп үткән, һәрберсенең үз кануннары булган. Каз өмәсе дә шундый күркәм күренешләрнең берсе. Хатын- кызлар җыелышып

каз, үрдәк йолкыганнар, балалар да эштән читтә калмаган, аларга каурый сыдырырга кушыла торган булган. Җыелган йомшак каз мамыгыннан мендәрләр ясап куелган.

Ә менә тагын нәрсәләргә кулландылар икән каз каурыйларын? Моның серләренә музей хезмәткәрләре белән бергәләшеп Сарман гиназиясенең кышкы лагерена йөрүче балаларның чираттагы төркеме төшенде. Алар каз каурыйлары сыдырып, майлавыч канаты ясадылар.

"Каурый өмәсе"- гореф - гадәтләрне өйрәнү интерактив чарасы, Татарстан Республикасы Хөкүмәтенең муниципаль мәдәният учреждениеләренә ярдәм итү буенча грантлар конкурсы җиңүчесе булган - «Үз илемдә-үз телемдә» проектын гамәлгә ашыру кысаларында үткәрелә.

   Вчера 28.12.2021г в Министерстве строительства, архитектуры и жилищно-коммунального хозяйства Республики Татарстан состоялась церемония награждения победителей, призеров и дипломантов республиканского конкурса «Самый благоустроенный населенный пункт Республики Татарстан». Награды победителям вручил заместитель министра строительства, архитектуры и ЖКХ РТ Ильдус Насыров. Наш поселок удостоился диплома 3 степени в своей номинации.

                                                                                                                                 Совет пгт Джалиль

Музейда Сарман гимназиясенең кышкы лагерена йөрүче балалар катнашында “Каурый өмәсе” дип аталган чара үтте. Әлеге интерактив чараның максаты: татар халкының милли гореф-гадәтләрен, йолаларын балаларга җиткерү. Укучылар татар халык җырларын җырлый-җырлый, каз каурыйлары сыдырып, майлавыч канаты ясадылар, табышмакларга җаваплар эзләделәр. Борынгы гореф-гадәтләрне барлау яшь буында миллилек хисләре тәрбияли, матур традицияләрне ныгытуда зур роль уйный.

"Каурый өмәсе"- гореф- гадәтләрне өйрәнү интерактив чарасы, Татарстан Республикасы Хөкүмәтенең муниципаль мәдәният учреждениеләренә ярдәм итү буенча грантлар конкурсы җиңүчесе булган - «Үз илемдә-үз телемдә» проектын гамәлгә ашыру кысаларында үткәрелә.

Җәлил поселогының “Төзекләндерү” җәмгыяте дә Яңа елга яңа техника белән керә. Республикадан торак-коммуналь хуҗалыкка ГС-14.02 автогрейдеры бирделәр.
- Безнең муниципалитетлар өчен Яңа ел - ул һәрвакыт икеләтә йөкләнеш, чөнки йортларны җылылык, газ, юллар белән өзлексез тәэмин итәргә кирәк. Яңа коммуналь техника быел ук үз бурычларын үтәячәк, - дип билгеләп үтә Президентыбыз Рөстәм Миңнеханов бүләкләү тантанасында.
Бигрәк тә кыш көннәрендә юлларның һәрвакыт ачык, кардан чистартылган булуы мөһим. Бераз буранлап алса да, урамнарны, тыкрыкларны көрт баса. Менә шундый чакларда, тәүлекнең кайсы вакыты булуына карамастан, юл төзелеше хезмәткәрләренең эше кайный башлый.
- Безнең оешма район территориясендә эшли. Аеруча Җәлил поселогы, Кызыл Бакча, Яңа Минзәләбаш авылларына хезмәт күрсәтәбез. Урам-юл челтәрен тәртиптә тоту өчен билгеләнгән яңа техника бигрәк тә урынлы бүләк булды, чөнки булган техника елдан-ел туза, ватылып та тора. Район. республика җитәкчелегенә без зур рәхмәтле, - диде Җәлил поселогының “Төзекләндерү” торак-коммуналь хуҗалык” җәмгыяте генераль директоры Данияр Баһманов.

Республикада менә дистә елдан артык гамәлдә булган җирле үзидарә органнарының эшчәнлеген стимуллаштыру һәм алдынгы тәҗрибә белән уртаклашу максатларында уздырыла торган муниципаль берәмлекләр арасында республика смотр-бәйгесе җиңүчеләренә автомобильләр бүләк итәләр. Шушы көннәрдә, ТР муниципаль берәмлекләре Советының XVI съезды кысаларында, чираттагы конкурска йомгак ясалды, һәм нәтиҗәләр буенча Әлмәт белән Илексаз авыл җирлекләре яңа машиналы булдылар.

Сарман муниципаль районы башлыгы Фәрит Хөснуллин һәм район башлыгы урынбасары Гүзәл Гәрәева Карашай-Саклау авылында яшәүче ветеран  Шәйдуллина Мәйсәпәне якынлашып килүче Яңа ел белән котладылар