ЯҢАЛЫКЛАР
26 нчы апрель көнне «Сарман» кинотеатрында, Туган тел көне уңаеннан, Габдулла Тукай әкиятләренә төшерелгән мультфильмнар күрсәтелде.
2021 елның 1 июленнән гаиләне яклау оешмалары Ассоциациясе Президент грантлары Фонды тарафыннан хупланган һәм Россия төбәкләрендә гаилә ресурс үзәкләре челтәрен үстерү, профильле социаль юнәлешле коммерциячел булмаган оешмалар җитәкчеләренең компетенцияләрен арттыру, аналитик эш алып бару һәм балалы гаиләләргә оператив ярдәм күрсәтү аша уңайлы гаилә мохите булдыруга юнәлтелгән «гаилә һәм балачакны яклау турында» гаилә-демографик проектын тормышка ашыруга кереште.
2022 елның 23 апреле, «Эковесна-2022» республика акциясе һәм санитар-экологик икеайлык кысаларында «Җәлил балалар сәнгать мәктәбе» муниципаль бюджет белем бирү учреждениясе хезмәткәрләре тарафыннан өмә үткәрелде. Анда, кирәкле инвентарь һәм яхшы кәеф белән коралланып, мәктәп территориясен һәм беркетелгән участокларны бердәм итеп җыештырдылар.
Чернобыль АЭС авариясенә 36 ел тулуга багышланган чаралар кысаларында Сарман муниципаль районы башлыгы Фәрит Хөснуллин район территориясендә яшәүче чернобыльчеләргә һәм аларның гаиләләренә азык-төлек җыелмалары тапшырды.
И туган тел, и матур тел, әткәм-әнкәмнең теле!
Дөньяда күп нәрсә белдем син туган тел аркылы.
Бу сүзләрне белмәгән кеше юктыр илебездә. Тукай телендә сөйләшәбез, тәмле телдә. Бүген бөек шагыйребез Тукаебызның туган көне. Шул уңайдан бакчабызда күңелле кичә үтте. Су анасы балаларны, Кәҗәкәй белән Сарыкны, Шүрәлене үзенә кунакка чакырып бәйрәм үткәрде. Безнең балалар Тукайны һәм аның әсәрләрен бик яраталар, шигырьләрен сөйләп, әкиятләрен сәхнәләштерәләр.
Кичәне йомгаклау итеп балаларга, алдан бәйгегә әти-әниләре белән бергә ясаган кул эшләре өчен, дипломнар тапшырылды. Вакыт бик тиз һәм күңелле үтте. Балаларыбыз Тукайны белеп яшәсәләр, туган телебез онытылмас дип ышанабыз.
Бүген Җәлил 1 нче санлы мәктәбе базасында Башкарма комитет җитәкчесенең беренче урынбасары Хөснимәрдәнова Розалия Раиф кызы «Ясалма интеллект» дигән темага Саннар дәресе үткәрде.
"Өмәләр үткәрү-без һәрвакыт хуплыйбыз торган күркәм һәм күпьеллык традиция.... Шимбә өмәсе-чын хезмәт бәйрәме ул, теләгән һәркем вакытны файдалы итеп үткәрә, уртак эшкә кушыла, туган шәһәргә, кайда яшисең икәнлегеңне аңлый ала".
25 апрель көнне "Әкият" балалар бакчасында тәрбияләнүчеләр Бөтенроссия "Экологлар көне"ндә актив катнаштылар.Һәр төркемдә төрле чаралар үткәрелде.Балалар "экологлар табигатьне саклыйлар" дигән рәсемнәр күргәзмәсе оештырдылар, өлкән яшьтәге балалар белән экологик юнәлештәге тематик дәресләр үткәрелде.
Хөрмәтле райондашлар!
Бүген, 26 апрельдә, Татарстан Республикасында Туган тел көне бәйрәм ителә. Бу бәйрәмнең татар халкының бөек һәм бар татар дөньясы өчен кадерле булган Габдулла Тукайның туган көненә туры китерелүе очраклы түгел, билгеле. Быел сөекле Тукаебызның тууына 136 ел. Бу бәйрәмнәрне республикабыз халкы һәм үзен татар дип санаган, үз телен һәм милләтен хөрмәт иткән һәр кеше зурлап билгеләп үтә.
Туган тел – безне берләштерүче, бер халык итүче рухи байлыгыбыз. Туган тел аша ата-бабаларыбызның кадерле мирасы буыннан буынга күчә, аның ярдәме белән без дөньяны танып белергә өйрәнәбез, тормыш тәҗрибәсе туплыйбыз. Туган телебезне, күз карасыдай саклап, кадерле ядкарь итеп үзебезнең балаларыбызга, оныкларыбызга тапшыру – безнең изге бурыч.
Хөрмәтле райондашлар! Сезгә туган телдә аралашу шатлыгы, илебезгә тынычлык, халкыбызның бердәм һәм тату булуын телим.
Татарстан Республикасы Архив Фонды документларын саклап калу максатыннан Сарман муниципаль районы Башкарма комитетының архив бүлегендә "Путь Ленина" берләшкән архив фондының документлары электрон формага кучерелә.