ЯҢАЛЫКЛАР
Җәлил бистәсенең 6 нчы санлы "Теремкәй" балалар бакчасы коллектив махсус хәрби операциядә катнашучыларга ярдәм оештырды -токмач кисте. Алар токмачны киптереп, аш тутыру өчен волонтерларга тапшырдылар.Тутырылган ашлар чираттагы гуманитар ярдәм белән алгы сызыкка китәчәк.
Бүген Сарман аграр көллиятендә Бөтенроссия «Балаларга хокукый ярдәм күрсәтү көне» кысаларында беренче һәм икенче курс студентлары өчен социаль мәсьәләләр буенча Башкарма комитет җитәкчесе урынбасары, Сарман муниципаль районы прокуроры урынбасары, нотариус, Россия Эчке эшләр министрлыгының Сарман районы буенча бүлегенең юл хәрәкәте иминлеге инспекторы, КДН һәм 3П җаваплы секретаре, мәгариф бүлеге, опека һәм попечительлек бүлеге, «Форпост» үзәге җәмәгать тәртибен саклау буенча яшьләр формированиеләре, социаль яклау бүлеге, «Шәфкать» үзәге, мәдәният бүлеге катнашында очрашу узды. Түгәрәк өстәлдә катнашучыларның барысы да балаларның хокуклары, бурычлары, җаваплылыгы, балалар ышаныч телефоны эше турында сөйләделәр, студентларның сорауларына җавап бирделәр. Балалар үзләренең хокукый белемнәрен ныгыттылар һәм тирәнәйттеләр.
Шулай ук балигъ булмаганнар һәм аларның хокукларын яклау комиссиясе әгъзалары тарафыннан Сарман аграр көллиятенең профилактика эшенең торышы тикшерелде, шул исәптән балигъ булмаганнар арасында суицидаль тәртипне кисәтү эше алып барылды.
20 ноябрьдә Россия Федерациясендә Бөтендөнья бала көне билгеләп үтелә, аның максаты - заманча балачакның актуаль проблемаларына игътибар итү, иҗтимагый оешмаларны һәм һәр кешене бөтен дөньяда балаларның акыл һәм физик үсеше өчен нормаль шартлар тәэмин итүгә юнәлтелгән эшчәнлеккә җәлеп итү.
Бөтендөнья бала көне БМО Генераль Ассамблеясе тарафыннан 1954 елда ук гамәлгә куелган иде. Датаны болай гына сайламадылар. 20 ноябрь - балаларның хокукларын яклау мәсьәләләрендә әһәмиятле дата:
бу көнне БМО Генераль ассамблеясе 1959 елда бала хокуклары декларациясен кабул итте;
Ә нәкъ 30 елдан соң - 1989 елның 20 ноябрендә - БМО әгъзалары бала хокуклары турында конвенциягә кул куйдылар.
Безнең балалар бакчасы "Бөтендөнья бала көне "🥳акциясенә кушылды
Казан шәһәрендә "Иң яхшы билингваль балалар бакчасы" конкурсы җиңүчеләрен тантаналы рәвештә хөрмәтләү чарасы узды! Чарада Татарстан Республикасы мәгариф һәм фән министры Илсур Гәрәевич Һадиуллин катнашты.
Бу конкурс - сыйфатлы билингваль белем бирүне хуплауда һәм үстерүдә, шулай ук Татарстан дәүләт телләрен популярлаштыруда мөһим адым! Татарстан Республикасының 30 балалар бакчасы грант иясе булды. Алар арасында Җәлил бистәсенең 3 нче санлы "Алёнушка" балалар бакчасы да бар!
Балалар бакчасының дус коллективын лаеклы җиңү белән чын күңелдән котлыйбыз! Алга таба да уңышлар, илһам һәм яңа казанышлар телибез!
"Аленушка" балалар бакчасының зурлар һәм мәктәпкә әзерлек төркемендә тәрбияләнүче балалар "Хайваннарның шәһәргә сәяхәте" дип аталган юл йөрү хәрәкәте кагыйдәләре буенча гыйбрәтле һәм мавыктыргыч әкият тамашачысы булдылар. Аны 2 нче санлы Җәлил урта мәктәбе укучылары тәкъдим итте. Чара зур уңыш белән узды. Яшь актерларның артистлык дәрәҗәсе югары булуын билгеләп үтәсе килә - алар җитди теманы мөмкин кадәр аңлаешлы һәм мавыктыргыч итә алды. Безнең балалар әкиятне игътибар белән карадылар һәм барлык сорауларга дөрес җавап биреп, фикер алышуга актив катнаштылар. Алсу Хөсәеновнага һәм 2 нче санлы Җәлил урта мәктәбе укучыларына юл йөрү хәрәкәте куркынычсызлыгы буенча шундый мөһим һәм кызыклы дәрес оештырганнары өчен чын күңелдән рәхмәт белдерәбез.
Безнең мәктәп катнаша торган "Иң яхшы мәктәп китапханәсе - 2025" конкурсы финалы кысаларында бүген безгә муниципаль берәмлек һәм Татарстан Республикасы Мәгариф һәм фән министрлыкларының милли мәгариф идарәсенең белем бирү процессын укыту-методик тәэмин итү секторы мөдире Л.А. Гайфуллина, Татарстан Республикасы Мәгариф һәм фән министрлыкларының милли мәгариф идарәсенең белем бирү процессын укыту-методик тәэмин итү секторы әйдәүче консультанты Г. Ф. Хәкимова һәм Л.Ш. Наҗиевадан торган комиссия килде.
Ноябрь аенда 2025 нче елда инглиз теле буенча ел саен үткәрелә торган «Лингвомарафон» республика интеллектуаль-иҗади конкурсының читтән торып үткәрелгән этабы тәмамланды.
Безнең мәктәп «Батырлык тартмасы»Бөтенроссия хәйрия акциясенә актив ярдәм итә.