ЯҢАЛЫКЛАР
18нче февраль көнне башлангыч сыйныф укучылары арасында цифрлаштыру елына багышланган рәсем конкурсының мәктәп туры узды. Җиңүчеләр гимназияне 22нче февральдә Сарманда узачак муниципаль этапта тәкъдим итәчәкләр. Аларга уңышлар телибез!
2022 елның 1 февралендә экологик технологияләр өлкәсендә «ЭКОТЕХ-ЛИДЕР 2022» милли премиясенең конкурс чаралары башланды. Премия экология һәм табигатьтән файдалану өлкәсендә нәтиҗәле технологияләр эшләү, гамәлгә кертү һәм алга этәрү өлкәсендәге казанышлары өчен тапшырыла.
Бүген мәгариф, мәдәният, спорт объектлары җитәкчеләре белән объектларның террорчылыкка каршы якланышы өлкәсендә һөнәри әзерлек дәрәҗәсен күтәрү буенча киңәшмә узды.
Татар халкының чиксез бай мәдәни һәм тарихи мирасы бар. Аны үсеп килүче буынга тапшыру - безнең бурычыбыз. Нәкъ менә шуңа да “Мирас угы” проекты татар халкының кыйммәтләре, туган як тарихы белән танышу һәм өйрәнүгә багышланган. Чираттагы кунакларыбыз Сарман урта гомуми белем бирү мәктәбеннән килделәр. Әле беренче сыйныфта гына укысалар да, алар бик үткен һәм зирәк булдылар. Тарих бик кызыклы фән. Ләкин аны уеннар, риваятьләр, әкиятләр аша аны өйрәнү тагын да кызыграк. Идел буе Болгар дәүләте, Казан ханлыгы буенча “сәяхәт иткәндә” укучылар бик күп тарихи фактлар, риваятьләр белән таныштылар, үзләре өчен яңа төрле һөнәрләр ачтылар. Хәтта, “Ага базар”ның аңлатмасын әйтеп, барыбызны таң калдырдылар. Кызлар “кыйммәтле” ташлардан, энҗе – мәрҗәннәрдән муенсалар ясап, зәркәнче, малайлар исә тимерче һөнәрен үзләштерделәр. Ә менә чүлмәкчелек малайларны да, кызларны да кызыктырды. Сәяхәт ахырында укучылар махсус ясалган пазллардан, кунакта булган шәһәрләр буенча карта җыйдылар. Әлеге проектның вазифасы- балаларда кечкенәдән үк туган якка мәхәббәт, үз илең, туган телең, халкыңның батырлыгы, каһарманлыгына горурлык хисләре тәрбияләү.
Чараны йомгаклап укучыларга, якынлашып килүче Халыкара туган телләр көне уңаеннан “Татар дөньясы” китабын тапшырдык.
Әлеге интерактив чара Татарстан Республикасы Министрлар Кабинеты грантлары конкурсы җиңүче “Мирас угы” проектын гамәлгә ашыру кысаларында үткәрелде.
18 февраль көнне Сарман үзәк китапханәсендә Россия Федерациясе һәм Татарстан Республикасының атказанган мәдәният хезмәткәре, Г. Исхакый исемендәге премия лауреаты, якташыбыз Рәфкать Кәраминең 80 яшьлек юбилее уңаеннан «Ихлас иҗатлы якташыбыз» исемле әдәби - музыкаль кичә үтте
Дистә еллар дәвамында бистәдә Ватанны саклаучылар көне уңаеннан " Сафка басарга әзер бул" исеме астында хәрби-патриотик уен-ярыш оештырыла.
Каташ Каран авылында яшәүче Гәрәева Мәбсүсә Миңнегали кызына бүген 95 яшь тулды.
хөрмәтле гражданнар! «Татарстан Республикасы Гидрометеорология һәм әйләнә-тирә мохитне күзәтү идарәсе " ФДБУНӘН килде:
Консультация-кисәтү
метеорологик күренеш интенсивлыгы турында
18 сәгатьтән. 18 февраль 18 сәгатькә кадәр. 1922 елның 19 феврале
Татарстан Республикасы территориясендә һәм Казан шәһәрендә 18 февраль кичендә, 2022 елның 19 февралендә төнлә һәм көндез 19 февралендә көндез һава торышы көтелә:
- күз күреме 1000 метрга кадәр һәм аннан да кимрәк булган буран;
җил көньяктан секундына 15-20 метр тизлектә.;
бозлавык;
- юлларда кар көртләре, кар боткасы, бозлавык;
- көндез көчле кар, юеш кар.