ЯҢАЛЫКЛАР
Бүген район Советының утырышлар залында Сарман муниципаль районының наркотикларга каршы комиссиясе утырышы узды. Утырышны район башлыгы Фәрит Хөснуллин алып барды.
Россия флагы герб һәм гимн белән беррәттән безнең дәүләтчелекнең терәге, аның төп символы булып тора. Россия дәүләте флагы барлык чорларда да Ватаныбызның кодрәтен һәм бөеклеген гәүдәләндергән. Дәүләт символикасы бүгенге көндә дә һәркем тарафыннан ихтирам ителә - кечкенәдән алып олысына кадәр, үз иле өчен горурлык хисе уята. Ил флагы астында мөһим дөнья документлары имзалана, безнең солдатлар һәм офицерлар батырлык кыла, спортчылар җиңү яулый. Флагка хөрмәт - ул үз тарихыңа, мәдәниятеңә һәм традицияләреңә хөрмәт, бу көчле һәм бәйсез ил билгесе. Безнең Дәүләт флагы тотрыклы һәм чәчәк атучы Россия өстендә горур җилфердәсен, безнең - бөек ил гражданнары икәнебезне белеп. Ватаныбыз, байрагыбыз, халкыбыз һәм туган авылыбыз өчен һәрвакыт горурлану хисе булсын. Бәхет, тынычлык һәм иминлек телим.
Мәрхүмнәрнең тормышы һәм хөрмәте-һәр кешене аңлы сайлау, шуңа күрә өмәләрдә Чураш авылының битараф булмаган барлык кешеләре дә катнашты
Бүген Татар Илеге елгасы буенда балыкчылар арасында ярышлар үткәрелде.
Анда олысы да, кечесе дә, ир-аты да, хатын-кызы да, үзебезнекеләр дә, кунакка кайтучылар да катнаштылар. Бәйгедә җиңүчеләр төрле номинацияләрдә билгеләнделәр. Аларны район башлыгы Фәрит Хөснуллин, район Башкарма комитеты җитәкчесе урынбасары Индира Сәхипова, яшьләр эшләре, спорт һәм туризм бүлеге начальнигы Алина Алиуллина бүләкләделәр. Иң беренче балык тотучы турында да онытмадылар.
2022 елның 20 августында район Советының кече залында Татарстан Республикасында Суд департаменты идарәсе җитәкчесе Җәүдәт Миргазәмович Салихов катнашында киңәшмә узды. киңәшмәне Сарман муниципаль районы башлыгы Фәрит Мөнәвирович Хөснуллин алып барды. Татарстан Республикасы Сарман муниципаль районының җирле үзидарә органнары эшчәнлегенең нәтиҗәлелеге күрсәткечләренең башкару дисциплинасы торышы һәм планлаштырылган күрсәткечләренә ирешү турында муниципаль район Башкарма комитеты җитәкчесенең беренче урынбасары Розалия Раиф кызы Хөснирданова һәм Сарман муниципаль районының мөлкәт һәм җир мөнәсәбәтләре палатасы рәисе Нариманов Айдар Габделмазитович сөйләделәр. Киңәшмә нәтиҗәләре буенча вазыйфаи затларга тиешле йөкләмәләр бирелде.
18.08.2022 көнне Җәлил посёлогында М. Җәлил исемендщге бульварда «Культурная среда» проекты кысаларында балалар белән тагын бер иҗади очрашу узды. Җәлил балалар сәнгать мәктәбе укытучылары "Минем атларым" дип исемләнгән, тукымадан һәм йон җепләреннән эшләнәчәк әйберләр буенча мастер класслар әзерләгәннәр. Балаларга һәрвакыт гади, катлаулы булмаган, ачык төстәге уенчыклар ошый. Мастер-класста ясаган ат нәкъ менә шушы сыйфатларга ия. Балалар үз куллары белән эшләнмәләр ясап, фантазияләрен, фикерләүне үстерәләр. Алар үзләренә таныш булган, эмма гадәти булмаган үзенчәлекләрне күрә башлыйлар, алар мөһим күнекмәләр алалар, болар исә аларга проблемаларның стандарт булмаган чишелеш юлларын табарга ярдәм итә. Моннан тыш, эшләнмәләр – иҗади хезмәткә беренче адым булып тора. Кул эшләре белән шөгыльләнгәндә, балалар үз куллары белән нәрсә дә булса булдыра алуларын аңлыйлар, үз-үзләрен продуктив эш белән тәэмин итүгә ияләшәләр. Вакыт узу белән алар мәктәп биремнәрен үтәүгә сабыр булырга һәм өйдәге эшләрне эшләүгә тыныч карый башлыйлар. Һәрвакыттагыча, балаларның яхшы мөгамәләсе, яңа белемнәр белән кызыксынулары безне сокландыра. Балалар бик шат иделәр, вакытларын алар менә дигән, файдалы итеп үткәрделәр!!!
Җәлил посёлогы башкарма комитеты
18нче август көнне М. Җәлил исемендәге бульварында Җәлил гимназия коллективы концерт программасы белән чыгыш ясады. Педагоглар, укучылар һәм гимназияне тәмамлаучылар чираттагы тапкыр үзләренең талантларын күрсәттеләр һәм алар чын-чынлап иҗади шәхес булуларын исбатладылар.
Бүген Җәлил посёлогында ел саен үткәрелә торган «Мәктәпкә җыенырга ярдәм ит» дигән хәйрия акциясе булып узды. Булачак беренче сыйныф укучыларын Җәлил шәһәр тибындагы поселок муниципаль берәмлеге башлыгы Каримов Р.А һәм «Единая Россия» партиясенең Сарман җирле бүлекчәсе башкарма сәркәтибе Сафина А.Ф. котладылар. ГД РФ депутаты Гаджиев Руслан Гаджи улы исеменнән булачак беренче сыйныф укучыларына барлык җиҺазлары белән мәктәп сумкалары тапшырылды.
Балаларның әти-әниләре күрсәтелгән игътибар өчен рәхмәт белдерделәр.
Җәлил посёлогы башкарма комитеты
Бүген район Башлыгы Фәрит Хөснуллин Татарстан Республикасы Президенты Р.Н. Миңнеханов катнашында мәгариф һәм фән хезмәткәрләренең республика август киңәшмәсендә катнаша.