ЯҢАЛЫКЛАР

Нәрсә соң ул батырлык? Аның төп мәгънәсен һәркем үзенең тормышка карашларыннан чыгып, үзенчә аңлый. Ә шулай да, батырлык ул, мөгаен, гадәти күзлектән караганда һич кенә дә кеше башкара алмастай эшне башкарудыр. Ул кешедән чиксез ихтыяр көче, тәвәккәллек, үз-үзеңне аямауны таләп итә. Сөлек авыл китапханәдә “Әфганстан йөрәк ярам” дип исемләнгән кичә нәкъ менә шундыйлар хакында: ерак Әфганстан җирендә гомере өзелеп мәңге яшь булып калган солдатлар һәм ул дәһшәтле көннәрнең шаһиты булып яшәүче исәннәр хакында. Сөлек авылыннан Әфган сугышында 7 егет катнашкан. Алар барсыда үз бурычларын үтәп, исән –сау туган якларына эйләнеп кайттылар. Аларның һәрберсе бүгенге көндә гаилә корып, туган ягыбызның кадерен белеп, үрнәк шәхесләр булып яшиләр. Җир йөзендә сугышлар башка кабатланмасын. Яшь егетләрнең гомере вакытсыз өзелмәсен, ата-аналар кайгы яше түкмәсен иде. Кеше бу дөньяга иҗат итү, җирне матурайту өчен яратылган. Без – тынычлык яклы!

Сарманда совет гаскәрләрен Әфганстаннан чыгаруга 30 ел тулуны билгеләп үттеләр.

Янурыс авыл җирлегенең Янурыс һәм Каташ-Каран авылларында энергияне аз тотучы диод ут яктырткычлар урнаштырылды.Бу эш җирле бюджет хисабына башкарылды.

Азалак авыл җирлегенең Шыгай авылында Әфган сугышында хезмәт иткәндә батырларча һәлак булган әфганчы Гәрәев Әсгать Ашрап улын искә алып, аның каберенә венклар салынды.

"Сарман урта гомуми белем бирү мәктәбендә" Әфганстаннан гаскәрләрне чыгаруга 30 ел тулу уңаеннан музей хезмәткәрләре сугышчы-интернационалистларны искә алу көне үткәрделәр.

15 февраль - Советлар Союзы Герое, Ватаныбыз патриотының татар язучысы Муса Җәлилнең, туган көне. Үзәк балалар китапханәсе китапханәчеләре «Лилия» балалар бакчасында тәрбияләнүче балалар өчен «Исемең калды моңлы бер җыр булып, үзеңнән соң килгән буынга» дип исемләнгән балалар иртәсе үткәрделәр.

Бүген 13  нче февральдә Татарстан Республикасының тугызынчы сыйныф укучылары беренче тапкыр штат режимында уза торган рус теле буенча йомгаклау әңгәмәсен тапшыралар.

Бүген Сарман аграр көллиятендә үзәк китапханә хезмәткәрләре тарафыннан "Таш кыялар татар данын саклый” исеме астында Әфганстаннан совет гаскәрләре чыгарылуга 30 ел булу уңаеннан батырлык сәгате уздырылды. Кичәдә Сарман һәм Мөслим районнары буенча хәрби комиссариат бүлеге начальнигы Дашгын Гасанов катнашты һәм чыгыш ясады. Кичәдә, Әфган җирләрендә ятып калган якташларыбызны зур хөрмәт белән искә алып, Әфган сугышы турында мәгълүмат бирелде.

13 нче  февраль көнне безнең мәктәптә 7-8 нче сыйныф укучылары Хәлил Мирзагыйт улы Миргалимов һәм Фирдәвис Мирзагит улы  Гыймранов белән очраштылар.

Кино – сәнгатьнең иң әһмиятле төрләренең берсе булып, соңгы елларда күпчелек кешенең иң кызыксынган өлкәсенә әйләнеп бара.